QazMunaıGaz KQK termınalyndaǵy tankerge jasalǵan shabýylǵa qatysty pikir bildirdi
ASTANA. KAZINFORM — «QazMunaıGaz» UQ» AQ ókilderi Kaspıı qubyr konsortsıýmynyń termınalyndaǵy tankermen bolǵan oqıǵaǵa qatysty aqparattyq habarlama taratty.
Kompanııa málimetterine qaraǵanda, MATILDA kemesin «Qazaqteńizkólikfloty» Ulttyq teńiz keme qatynasy kompanııasy» JShS (QMG-nyń enshiles uıymy) jalǵa alǵan.
Kaspıı Qubyr konsortsıýmynyń termınalynda turǵan tankerge Qazaqstan munaıyn tıeý jumystary 2026 jylǵy 18 qańtarǵa josparlanǵan.
- 13 qańtarda tankerge ushqyshsyz ushatyn apparattar shabýyl jasady. Shabýyl saldarynan jarylys boldy, biraq órt shyqpady. Ekıpaj arasynda zardap shekkender joq. Aldyn ala baǵalaý boıynsha tanker teńizde júzýge jaramdy, birinshi tekserý kezinde keme qurylymynyń aıtarlyqtaı zaqymdaný belgileri anyqtalmady. Zalal kólemin baǵalaý júrip jatyr, -delingen habarlamada.
Osyǵan deıin Energetıka mınıstrligi Kaspıı qubyr konsortsıýmy (KQK) ınfraqurylymyna jasalǵan drondyq shabýyldardan keıin Qashaǵan ken ornynan óndiriletin munaıdyń eksporttyq baǵyttaryn qaıta qaraýǵa kiriskeni týraly jazdyq.