«QazMunaıGaz» qazaqstandyq úlesti arttyrý boıynsha jumystardy kúsheıtýde
qyzmet kórsetýshilerdiń arasynda jaǵymdy básekelestikti qalyptastyrýǵa baqyttalǵan sharalar keshenin júzege asyrýda, dep habarlaıdy kompanııanyń baspasóz qyzmeti.
Atap aıtar bolsaq, QMG tenderlik komıssııalardyń tolyqqandy músheligine «Nur-Otan» halyqtyq-demokratııalyq partııasynyń, «Atameken» Odaǵy» Qazaqstan ulttyq ekonomıkalyq palatasynyń ókilderi shaqyrylýda.
Taǵy bir aıta keterlik jáıt, satyp alý isinde qazaqstandyq mazmunnyń úlesin arttyrý maqsatynda kompanııanyń Satyp alýdy uıymdastyrý departamenti aımaqtarda turaqty kóshpeli májilister ótkizip keledi. Mundaı kóshpeli májilister Aqtaý, Jańaózen, Petropavl jáne Óskemen qalalarynda ótkizildi. Osyndaı sharalar aldaǵy ýaqytta da turaqty ótip turatyn bolady.
Satyp alatyn taýarlar men qyzmetterge qajettilik jóninde otandyq kásipkerlermen júıeli aqparattyq jumys júrgizilip, konkýrstardy uıymdastyrý erejeleri men tenderlik qujattardy daıyndaý jan-jaqty túsindiriledi.
Tenderlik protsedýralardyń ashyqtyǵyn jáne jarııalyǵyn kúsheıtý jónindegi jumystyń basty kilti retinde «QazMunaıGaz» Internet júıesin paıdalanyp otyr. Otandyq óndirýshiler josparlanǵan satyp alý týraly ǵalamtordan bile alady. Kompanııa saıtynyń www.kmg.kz «Satyp alý» bóliminde kompanııanyń negizgi enshiles kásiporyndary jaqyn aradaǵy bes jyl ishinde josparlanǵan satyp alatyn taýarlardyń katalogy ornalasqan.
Qazirgi ýaqytta 2012-2016 jyldarǵa arnalǵan katalog jarııalanǵan. Ústimizdegi jylǵy satyp alý jospary kompanııa tobyna kiretin barlyq uıymdardyń saıttarynda berilgen.
