«QazMunaıGaz - qaıta óńdeý jáne marketıng» AQ basshylyǵy aýysty

ASTANA. 6 tamyz. QazAqparat - «QazMunaıGaz» UK AQ Dırektorlar keńesiniń 2013 jylǵy 2 tamyzdaǵy sheshimimen «QazMunaıGaz - qaıta óńdeý jáne marketıng» AQ Bas dırektory bolyp Danııar Tıesov taǵaıyndaldy, dep habarlandy AQ-nyń baspasóz qyzmetinen.

«Danııar Tıesov «QazMunaıGaz» kompanııalary tobynyń eń myqty kásibı mamandarynyń biri bolyp tabylady. Jańa basshy kompanııanyń damýyna oń qarqyn beredi dep senemin, sonyń nátıjesinde «QazMunaıGaz - qaıta óńdeý jáne marketıng» AQ budan da birshama joǵary sapaly deńgeıge kóteriledi dep senemin», - dep atap ótti «QazMunaıGaz» UK AQ Basqarma tóraǵasynyń Korporatıvtik damý jónindegi birinshi orynbasary D. Berlibaev.

D.Tıesov osy qyzmetke taǵaıyndalǵanǵa deıin «QazMunaıGaz» UK AQ-da Basqarma tóraǵasynyń qaıta óńdeý jáne munaı-hımııa orynbasarynyń qyzmetin atqardy.