«QazMunaıGaz» «Isataı-Shaǵala» ýchaskesi men «Shaǵyrly-Shómishti» ken orny boıynsha qoǵamdyq tyndaýlar ótkizdi
TANA. 14 qarasha. QazAqparat - Aqtaý qalasynda «Isataı-Shaǵala» ýchaskelerinde teńiz munaı operatsııalarynyń qorshaǵan ortaǵa áserin aldyn ala baǵalaý» jáne «Shaǵyrly-Shómishti» ken ornyndaǵy munaı operatsııalarynyń qorshaǵan ortaǵa áserin aldyn ala baǵalaý» boıynsha qoǵamdyq tyndaýlar ótti, dep habarlady «QazMunaıGaz» UK» AQ baspasóz qyzmetinen.
Qoǵamdyq tyńdaýlar memlekettik ekologııalyq saraptamanyń aldynda ótkiziletin mindetti rásim bolyp tabylady jáne ulttyq, halyqaralyq zańnamanyń qorshaǵan ortany qorǵaýǵa qatysty máseleleri boıynsha sheshimder qabyldaý protsesinde jurtshylyqtyń qol jetkizýin qamtamasyz etýge qatysty talaptaryna sáıkes keledi.
«Isataı-Shaǵala» ýchaskelerinde jáne «Shaǵyrly-Shómishti» ken ornynda munaı operatsııalary QR-nyń ken ıgerý jáne qorshaǵan ortany qorǵaý zańnamasyna sáıkes júrgiziledi. Ken ornyn paıdalanýshy munaı operatsııalaryn júrgizý kezinde tabıǵı ekologııalyq júıeler men tabıǵı resýrstardyń buzylýy ári tozýynyń jaǵymsyz saldaryn múmkindiginshe azaıtatyn qajetti is-sharalar qabyldaıtyn bolady. Sonyń ishinde Isataı-Shaǵala ýchaskelerinde teńiz munaı operatsııalaryn júrgizý kezinde barlyq óndiristik jáne turmystyq qaldyqtar «nóldik tastaý» kontseptsııasyn mindetti túrde qoldanýmen joıylatyn bolady. Búdan basqa, jumystardy júrgizý kezinde turaqty túrde ekologııalyq monıtorıng júrgiziledi.
Jobalardy iske asyrý aımaq úshin jańa jumys oryndarynyń qurylýy, áleýmettik salaǵa qoldaý kórsetilýi, jergilikti kadrlardyń oqýy, jergilikti bıýdjetke salyq túsimderiniń artýy syndy paıda ákeledi.
Osy jobalardyń iske asyrylýy resýrstyq bazanyń ulǵaıýyna, Qazaqstan Respýblıkasynyń ishki naryǵynda óńdeý jáne eksporttaý maqsatynda kómirsýtekti shıkizatty óndirý kólemin ulǵaıtýǵa múmkindik beredi. Bul bıýdjetke salyq tólemderin jáne ınvıstıtsııalar aǵymyn arttyrýǵa septigin tıgizedi.
