QazMunaıGaz ІRO-ǵa shyǵarǵan aktsııalar nege túgel satylǵan joq

ASTANA. QazAqparat – «Samuryq-Qazyna» qorynyń basqarma tóraǵasy Almasadam Sátqalıev «QazMunaıGazdyń» ІRO-ǵa shyǵarylǵan 5 paıyz aktsııa nege túgeldeı satylmaǵanyn túsindirdi, dep habarlaıdy QazAqparat tilshisi.

«ІRO-ǵa «QazMunaıGazdyń» qorǵa tıesili aktsııasynyń 5 paıyzyn shyǵaratyndaryńyzdy habarlaǵan edińizder. Biraq aqyry 3 paıyzy ǵana satylyp otyr. Bul nemen baılanysty?», - dep surady BAQ ókili.

Qor basshshysynyń aıtýynsha, ІRO-ǵa ótinim berý úshin berilgen merzimde tek 3,5 paıyz aktsııaǵa ǵana ótinim túsken.

«Qazirgi jaǵdaıdy eskerip, ınvestorlardy tartý úshin, «QazMunaıGaz» aktsııasynyń satylýyn qamtamasyz etý úshin dıskont beriledi degen túsinik boldy. ıAǵnı, biz «QazMunaıGaz» aktıvteriniń quny shamamen 32 mlrd dollar bolǵanda ІRO-ǵa usynǵan aktsııalar tıisti dıskontpen, tipti balanstyq qunynan tómen baǵamen satylatynyn kúttik. Osylaısha biz birinshi kezeńde kiretin ІRO ortasyn shekteý kerek dep topshyladyq. ıAǵnı, olar kiris satyp alýshylar bolady dep kúttik. Nátıjesinde olar dıskontpen aktıv alýy kerek boldy», - dedi «Samuryq-Qazyna» basshysy.

Onyń aıtýynsha, túsken ótinimderdiń bári birdeı maquldanbaǵan.

«Osyǵan baılanysty biz ІRO tym úlken bolmaýy kerek dep eseptedik. Ol shaǵyn, shekteýli jáne Qazaqstan naryǵyna basymdy beretin bolýy kerek edi. ІRO qorytyndysy boıynsha biz shamamen 3,5 paıyz aktsııalarǵa ótinim aldyq. Osyǵan baılanysty tek 3 paıyz ótinimdi ǵana maquldadyq. Aktsııalardyń bir qolǵa shoǵyrlanýyn boldyrmaý úshin biz keıbir ótinimderdi keri qaıtardyq. ıAǵnı negizgi basymdyq Qazaqstan azamattaryna baǵyttaldy», - dedi Almasadam Sátqaılev.

Buǵan deıin «QazMunaıGaz» ІRO-synan túsetin aqsha Ulttyq qorǵa aýdarylatyny habarlanǵan bolatyn.