«QazMunaıGaz» geologııalyq barlaý jumystaryna 5 mlrd. dollar qarastyryp otyr

ASTANA. 8 qazan. QazAqparat - 2017 jylǵa deıin «QazMunaıGaz» ulttyq kompanııasy geologııalyq barlaý jumystaryna 5 mlrd. dollar jumsaıdy.

Bul týraly búgin «KAZENERGY» qaýymdastyǵynyń VIII Eýrazııalyq energetıkalyq forýmynda «QazMunaıGaz» ulttyq kompanııasynyń basqarma tóraǵasy Saýat Myńbaev málim etti. «Aldaǵy on jylda biz munaı men kondensatty óndirý kólemin 21 mln. tonnadan 35-36 mln. tonnaǵa deıin jetkizýdi kózdeımiz. Bul respýblıkada óndiriletin jalpy munaıdyń úshten bir bóligine (qalǵanyn sheteldik ınvestorlar ıgerip jatyr - avt.) teń bolmaq. Osy maqsatqa jetý úshin «QazMunaıGaz» kompanııasy geologııalyq jumystardy kúsheıtýdi josparlap otyr. 2017 jylǵa deıin oǵan 5 mlrd. dollarǵa jýyq qarjyny jumsaýǵa múddelimiz. Osynyń arqasynda 2022 jylǵa qaraı kompanııanyń munaı qory 823 mln. tonnadan 1,4 mlrd. tonnaǵa jetedin degen senim bar», - deıdi S.Myńbaev.