«QazMunaıGaz» dýaldy bilim beri boıynsha oqý ortalyqtarynyń qurylysyn josparlaýda
ASTANA. QazAqparat - Qarjylyq qıyndyqtarǵa qaramastan, «QazMunaıGaz» kompanııalar toby dýaldy bilim beri boıynsha oqý ortalyqtarynyń qurylysyn iske asyrady.
Bul týraly búgin Ortalyq kommýnıkatsııalar qyzmetindegi baspasóz máslıhatynda QR Energetıka mınıstrliginiń munaı óndirisin damytý departamenti basshysynyń orynbasary Baqyt Mahanov málim etti.
«Munaı baǵasynyń tómendeýine baılanysty qarjylyq qıyndyqtarǵa qaramastan, «QazMunaGaz» kompanııalar toby dýaldy bilim berý boıynsha oqý ortalyqtarynyń qurylysyn qarastyryp otyr. Bul nysandardyń ishinde jataqhana, jabdyqtar jáne uńǵymalardy jóndeýge negizdelgen qondyrǵylar qamtylady. ıAǵnı, jumystar jalǵasyp jatyr. Osy rette atqarylatyn sharalarǵa qyzyǵýshylyq bar jáne jastar da bul bastamany qoldap otyr»,-dedi B. Mahanov.
Óz kezeginde Pavlodar munaıhımııalyq zaýyty oqytý ortalyǵynyń jetekshisi Lıýdmıla Pak atalǵan bilim berý ortalyǵynda oqytýshylarǵa qoıylatyn talaptarǵa toqtaldy.
«Bizde zaýytta ózimizdiń jergilikti akt bar, bul erejede tálimgerlik talaptary qamtylǵan jáne onda ustazdyq etetinderge qatysty barsha qaǵıdalar jazylǵan»,-dedi ol.
Bul turǵyda L. Pak oqytýshylyqqa kandıdattar birinshi kezekte joǵary biliktiligi bar maman bolýy tıistigin atap aıtty.
«Tálimgerlerde kem degende bes jyl tájirıbesi bolýy tıis. Biz kolledj ákimshiligimen birlese jumysqa oqý úlgerimi jaqsy stýdentterdi qabyldaýdy usynamyz»,-dedi ol.
