«QazMunaıGaz» BÓ Dırektorlar keńesine jańa tóraǵa saılandy
«QMGBÓ» Dırektorlar keńesiniń kezekti otyrysyn ótkizdi. Jıyn barysynda Dırektorlar keńesi jańa tóraǵany saılady jáne 2016 jylǵa ishki naryqqa munaı jetkiziliminiń kólemin bekitti. Bul sheshim qabyldandy jáne kidirmeı kúshine enedi. Osy laýazymǵa 2015 jyldyń qarashasynan beri QMG BÓ Dırektorlar keńesiniń múshesi bolyp tabylatyn, sondaı-aq «QazMunaıGaz» Ulttyq kompanııasy» AQ munaı jáne gaz óndirý boıynsha aǵa vıtse-prezıdenti Igor Valerevıch Goncharov saılandy»,-dep atap ótilgen «QazMunaıGaz» Barlaý Óndirý» AQ baspasóz qyzmeti taratqan málimette.
Habarlanǵandaı, Krıstofer Hopkınson otbasylyq jaǵdaıyna baılanysty kompanııanyń Dırektorlar keńesi tóraǵasy laýazymynan ketý týraly ótinish jazǵan.
Aǵymdaǵy nátıjelerge qaraı, kompanııa «Ózenmunaıgaz» AQ jáne «Embimunaıgaz» AQ qorlarynan ishki naryqqa munaı jetkizilimderi 2016 jyly 3 372 myń tonnany (táýligine 67 myń barrel) quraıdy dep boljaıdy. Bul ÓMG jáne EMG shıki munaıyn jalpy satý kóleminiń 40 paıyzǵa jýyǵyn quraıdy. Bul kólemnen 2 670 myń tonna (táýligine 53 myń barrel) Atyraý munaı óńdeý zaýytyna jáne 702 myń tonna (táýligine 14 myń barrel) Pavlodar munaıhımııa zaýytyna jetkiziletin bolady.