QazMunaıGaz» BÓ Dırektorlar keńesi óndiristik fılıaldar negizinde aktsıonerlik qoǵam qurý týraly sheshim qabyldady
ASTANA. 2 aqpan. QazAqparat - «QazMunaıGaz» BÓ Dırektorlar keńesi óndiristik fılıaldar negizinde aktsıonerlik qoǵam qurý týraly sheshim qabyldady jáne basqarma múshelerin saılady,
dep habarlady kompanııanyń baspasóz qyzmetinen.
Dırektorlar keńesi «Ózenmunaıgaz» jáne «Embimunaıgaz» óndiristik fılıaldaryna ókilettikterdiń basym bóligin berý týraly kompanııa menedjmentiniń usynysyn qarady. Dırektorlar keńesi óndiristik fılıaldardy aktsııalarynyń 100 paıyz QMG BÓ qaraıtyn aktsıonerlik qoǵam etip qurý qajettigimen kelisti. Atalǵan ózgeris qurylǵaly jatqan aktsıonerlik qoǵamdarǵa negizgi quraldardy jáne memlekettik organdardyń zańmen qarastyrylǵan kelisimderin alý kezinde jer qoınaýyn paıdalaný quqyǵyn berýdi qarastyrady. Aktsıonerlik menshik formasy kásiporyndarǵa óndiristik-sharýashylyq qyzmetti júrgizý barysynda qajetti derbestik berip, olardyń basqarýdaǵy jaýapkershiligin arttyryp, sondaı-aq korporatıvtik basqarýdyń zamanaýı talaptaryna sáıkestigi men ashyqtyqty qamtamasyz etedi.
Dırektorlar keńesi zań talaptaryna súıene otyryp, berilgeli otyrǵan aktıvterdi táýelsiz baǵalaýǵa tapsyrma berdi. Dırektorlar keńesi ony bekitkennen keıin jańa aktsıonerlik qoǵamdar qurý máselesi QMG BÓ aktsıonerleriniń kezekten tys jalpy jınalysynyń qaraýyna usynylatyn bolady.
Odan bólek, Dırektorlar keńesi Kompanııa kelesi qyzmetkerlerin: bas dırektordyń óndiris jónindegi orynbasary A.Nurseıitovti, qarjy dırektory - qarjylyq baqylaýshy B.Freızerdi, quqyqtyq máseleler jónindegi basqarýshy dırektor M.Sáýlebaıdy, logıstıka jáne kelisimshart jónindegi basqarýshy dırektor E.Salımovty, qazmetkerlerdi basqarý jáne damytý departamentiniń dırektory B.Áshirbekovany QMG BÓ Basqarma múshesi etip saılady. Kompanııa Basqarmasynyń kelesi músheleri: K.Eshmanovtyń, J.Bekejanovanyń, A.Áýbákirovtiń, B.Bısekenniń, T.Hıtýovtyń, J.Jamaýovtyń ókilettigi merziminen buryn toqtatyldy.
