«QazMunaıGaz» BÓ» AQ ortasha aılyq jalaqysy 170-270 myń teńgeni quraıtyn 230 jumys orynyn qurdy
TANA. 27 qazan. QazAqparat - «QazMunaıGaz» Dırektorlar keńesiniń tapsyrmasy boıynsha, kompanııa Mańǵystaý oblysynyń Jańaózen qalasyndaǵy áleýmettik ahýaldy jaqsartý jóninde birqatar naqty sharalardy qolǵa aldy.
Bul aqparatty atalǵan kompanııanyń baspasóz qyzmeti taratyp otyr.
Atap aıtqanda, «Ózenmunaıgaz» óndiristik fılıalyna qyzmet kórsetetin merdiger jáne servıstik kásiporyndarda qosymsha óndiristik tapsyrys bere otyryp, «QazMunaıGaz» Barlaý Óndirý» AQ aılyq jalaqysy ortasha eseppen 170 myń teńgeden 270 myń teńgege deıin somany quraıtyn 230 jumys ornyn qurdy.
Bul tek munaı óndirý kólemin arttyryp qana qoımaı, sonymen birge áleýmettik mindetterdi sheshýge de septigin tıgizedi dep kútilýde. Óıtkeni, atalǵan jumys oryndaryna birinshi kezekte 2011 jyldyń mamyrynda bastalǵan zańsyz narazylyq aktsııasyna qatysyp, jumysqa shyqpaǵany úshin ÓMG-degi jumysynan shyǵarylǵandar turýy múmkin.
Sonymen qatar QMG BÓ Mańǵystaý oblysynyń ákimdigimen birlese otyryp, Jańaózen qalasyna azyq-túlik jármeńkelerin ótkizý arqyly tamaq ónimderin óndirýshilerdiń baǵasy boıynsha tikeleı jetkizýdi uıymdastyrýǵa yqpal etýdi kózdep otyr.
«QMG UK atalǵan sharalar jalpy aımaqtaǵy, onyń ishinde Jańaózen qalasyndaǵy áleýmettik shıelenisti sheshýge yqpal etedi dep esepteıdi», - delingen baspasóz habarlamasynda.
