«QazMunaıGaz» BÓ» AQ erkin aınalymyndaǵy aktsııalaryn «QazMunaıGaz» ıelenýi múmkin

ASTANA. QazAqparat - «QazMunaıGaz» Barlaý Óndirý» AQ óziniń baǵaly qaǵazdarynyń quny artqanyn habarlaıdy. Budan bólek, kompanııanyń majorıtarlyq aktsıoner - «QazMunaıGaz» Ulttyq kompanııasy men táýelsiz dırektorlar Kompanııanyń erkin aınalymdaǵy qarapaıym aktsııalaryn satyp alý múmkindigi týraly aldyn-ala talqylaǵanyn rastaıdy. Bul týraly kompanııanyń baspasóz qyzmetinen habarlandy.

«Atalǵan sheshim alǵashqy satyda qaralyp jatyr jáne nátıjesinde resmı usynys jasalatyny týraly eshqandaı kepildik joq. Qazirgi tańda «QazMunaıGaz» BÓ» kompanııasynyń táýelsiz dırektorlary keńesshilerdi taǵaıyndaýdy júzege asyryp jatyr, sonymen qatar, «QazMunaıGaz» tarapynan jasalatyn kez-kelgen usynystardy belgilengen tártippen qaraıtyn bolady. Al ázirshe aktsıonerlerge eshqandaı áreket etpeýge keńes beriledi», - delingen baspasóz baıanynda.

Kompanııanyń habarlaýynsha, «QazMunaıGaz» BÓ» kompanııasy tarapynan jasalǵan kez-kelgen usynys qosylý jáne «jutylý» týraly brıtandyq Sıtı kodeksinde qarastyrylmaıdy.

Eske sala keteıik, «QazMunaıGaz» Barlaý Óndirý» kompanııasy munaı óndirý kólemi jaǵynan Qazaqstanda kóshbasshylardyń úshtigine kiredi. Kompanııanyń óndirý kólemi «Qazgermunaı» BK JShS men CCEL («Qarajanbasmunaı» AQ) jáne «PetroQazaqstan Ink.» kompanııalaryndaǵy úlesterdi eseptegende, 2013 jyly 12,4 mln. tonnany (táýligine 251 myń barrel) qurady. Kompanııanyń úlesindegi munaıdyń dáleldengen jáne boljamdy qorlarynyń kólemi 2013 jyldyń sońyndaǵy jaǵdaı boıynsha 200 mln. tonnany (1,5 mlrd. barreldi) qurady, onyń 148,8 mln. tonnasy (1,1mlrd. barrel) «Ózenmunaıgaz» AQ , «Embimunaıgaz» AQ jáne «Oral Oıl end Gaz» (Rojkov kenishi, Fedorov blogy) enshisinde.