«QazMunaıGaz» BÓ» AQ 6 kelisimshart boıynsha munaı kenishterin ıgerýge jer qoınaýyn paıdalaný quqyǵyn «Embimunaıgaz» AQ paıdasyna berýge sheshim qabyldady
ASTANA. 18 qyrkúıek. QazAqparat - «QazMunaıGaz» Barlaý Óndirý» AQ 6 kelisimshart boıynsha munaı kenishterin ıgerýge jer qoınaýyn paıdalaný quqyǵyn «Embimunaıgaz» AQ paıdasyna berý sheshimin qabyldady,
dep habarlady kompanııanyń baspasóz qyzmetinen.
«QazMunaıGaz» Barlaý Óndirý» AQ Dırektorlar keńesi 2012 jyldyń 1 qazanynan bastap tómendegi alty kelisim-shart boıynsha munaı kenishterin ıgerýge jer qoınaýyn paıdalaný quqyǵyn «Embimunaıgaz» AQ paıdasyna berý týraly sheshim qabyldady: №37 Kenbaı kenishi; № 61 Ońtústik-shyǵys Novobogatınskoe; № 211 Botahan, Maqat, Dossor, Tańatar, Kamyshıtovoe jáne t.b. - barlyǵy 23 kenish; № 413 Prorva, Qulsary, Qaraton, Qosshaǵyl jáne t.b. - barlyǵy 15 kenish; № 327 Taısoıǵan kenishi; № 992 Batys Novobogatınskoe kenishi», - delingen habarlamada.
Dırektorlar keńesi sonymen qatar 2012 jyldyń birinshi jarty jyldyǵynyń qorytyndysy boıynsha 300 mln. AQSh dollaryn quraǵan «QazGerMunaı» BK» JShS dıvıdendterin bólý týraly sheshimdi bekitti. «QazMunaıGaz» BÓ» AQ úlesi 150 mln. AQSh dollaryn qurady.
Dırektorlar keńesiniń otyrysynda QMG UK qyzmetine aqy tóleý qurylymyn ózgertý týraly sheshim qabyldandy. Munaı eksportyn qamtamasyz etý jáne basqa da qyzmetter úshin 4,5 mlrd. teńge (30 mln. AQSh dollary) kólemindegi soma turaqty túrde tólense, qalǵan bóligi jasalǵan kelisimsharttarǵa baılanysty tólenedi. Bul rette jalpy tólem somasy 10 mlrd. teńgeden (67 mln. AQSh dollary) aspaýy tıis.
Dırektorlar keńesi 2012 jyldyń 6 qarasha kúni Astana qalasynda saǵat 10:30-da aktsıonerlerdiń kezekten tys jalpy jınalysyn shaqyrý týraly sheshim qabyldady. Kún tártibine kelesi máseleler engizildi: Qoǵam Jarǵysyna ózgerister engizý, Qoǵamnyń Korporatıvtik basqarý kodeksin bekitý.
«QazMunaıGaz» Barlaý Óndirý» AQ Dırektorlar keńesinde alty jyl qyzmet etken Pol Mandýka myrzanyń keńes otyrysyna sońǵy ret qatysýyna baılanysty keńes músheleri oǵan alǵysyn bildirdi.
