«QazMunaıGaz» BÓ» AQ 2015 jyldyń bıýdjetin bekitti
«2015 jylǵa josparlanǵan óndirý kólemi «Ózenmunaıgaz» AQ (ÓMG) boıynsha 5,4 mln. tonna (táýligine 109 myń barr.), al «Embimunaıgaz» AQ (EMG) boıynsha 2,8 mln. tonna (táýligine 57 myń barr.). 2015 jyldaǵy ÓMG jáne EMG jalpy óndirý kólemi 8,2 mln. tonna (táýligine 166 myń barr.), bul 2014 jylǵa josparlanǵan kólemnen 1 paıyzǵa artyq.
«Qazgermunaı» BK» JShS (QGM), CCEL («Qarajanbasmunaı» AQ) jáne «PetroQazaqstan Ink.» (PQI) kompanııalarynyń josparlanǵan munaı óndirý kólemindegi QMG BÓ úlesi 2015 jyly 4,0 mln. tonna (táýligine 81 myń barr.) quraıdy, bul PQI kompanııasyndaǵy óndirý kóleminiń tabıǵı tómendeýine baılanysty 2014 jyldaǵy jospardan 3 paıyzǵa kem. Kompanııa 2015 jyly ÓMG men EMG ishki naryqqa - Atyraý munaı óńdeý zaýyty (AMÓZ) men Pavlodar munaıhımııa zaýytyna (PMHZ) munaı jetkizý jónindegi mindettemeleri 3,0 mln. tonna (táýligine 59 myń barr.) kóleminde bolady dep boljap otyr. Oǵan qosymsha 100 myń tonna munaı Kompanııanyń qajettilikteri úshin AMÓZ-de qaıta óńdeledi. QGM, CCEL jáne PQI kompanııalarynyń 2015 jylǵa josparlanǵan ishki naryqqa munaı jetkizilimderindegi QMG BÓ úlesi 2,2 mln. tonna (táýligine 45 myń barr.) quraıdy, bul atalǵan kompanııalardyń jalpy satý kóleminiń shamamen 55 paıyzyn quraıdy. Qazirgi tańda Kompanııa 2015 jyly Reseıge munaı jetkizý kestesin almaǵandyqtan, Reseıge jetkizilimder 2015 jyldyń bıýdjetinde kórsetilmedi», delingen habarlamada. 2015 jyly kúrdeli salymdar 115 mlrd. teńge (621 mln. AQSh dollary) mólsherinde josparlanyp otyr, bul byltyr bekitilgen bıznes-josparǵa sáıkes, 2015 jylǵa josparlanǵan shyǵynnan 14 paıyzǵa kem. Shyǵyndardy qysqartý óndiris kólemine áser etpeıtin ınvestıtsııalardy azaıtý, ınfraqurylymdyq jobalarǵa ketetin shyǵyndardy azaıtý, sondaı-aq jańǵyrtý baǵdarlamasynyń keıbir uzaq merzimdi jobalaryn júzege asyrýdy keıinge qaldyrý esebinen josparlanyp otyr.
