«QazMunaıGaz» BÓ» AQ 2011 jyldyń birinshi toqsanynda 3 172 myń tonna munaı óndirdi

dep habarlady atalǵan kompanııanyń baspasóz qyzmetinen.

«QazMunaıGaz» Barlaý Óndirý» AQ («QMG BÓ») «Qazgermunaı» BK JShS (QGM), «CCEL» (CCEL), «PetroQazaqstan Ink.» (PQI) jáne «NBK» JShS (NBK) kompanııalaryndaǵy úlesterdi qosqanda, 2011 jyldyń birinshi toqsanynda aldyn ala málimetter boıynsha 3 172 myń tonna (táýligine 259 myń barrel) munaı óndirdi, bul 2009 jyldyń osyndaı kezeńindegiden 11 myń tonnaǵa nemese 0,3 paıyzǵa az», - delingen baspasóz habarlamasynda.

Kompanııanyń atap ótýinshe, «Ózenmunaıgaz» óndiristik fılıaly (ÓMG) 1 413 myń tonna (táýligine 115,5 myń barrel) munaı óndirgen. Bul ótken jyldyń birinshi toqsanyndaǵy kórsetkishten 0,3 paıyzǵa kem. Al «Embimunaıgaz» 680 myń tonna (táýligine 55,5 myń barrel) munaı óndirýge qol jetkizgen. Bul 2010 jyldyń sáıkes kezeńimen salystyrǵanda 1,7 paıyzǵa kóp. Sonyń arqasynda ÓMG jáne EMG óndirgen munaıdyń jalpy kólemi 2011 jyldyń birinshi toqsanynda 2 093 myń tonna (táýligine 171 myń barrel) munaıdy qurady. Bul 2009 jyldyń sáıkes kezeńindegi kórsetkishten 7 myń tonnaǵa nemese 0,4 paıyzǵa artyq.

«Bul rette munaı óndirý kóleminiń azdap tómendeýine 2011 jyldyń naýryzynda aýa raıynyń qolaısyzdyǵynan ken oryndarynda elektr qýatyn shekteý jáne apatty jaǵdaıda sóný jaǵdaılary keri áser etti», - delingen baspasóz habarlamasynda.

CCEL, QGM, PQI jáne NBK kompanııalarynyń óndirýindegi QMG BÓ úlesi 2011 jyldyń úsh aıynda 1 079 myń tonna (táýligine 88 myń barrel) munaıdy qurady. Bul ótken jyldyń sáıkes kezeńimen salystyrǵanda 18,5 myń tonnaǵa nemese 1,7 paıyzǵa az jáne josparlyq kórsetkishterge sáıkes keledi.