«QazMunaıGaz» birinshi toqsanda qansha munaı eksporttady

ASTANA. QazAqparat – «QazMunaıGaz» ulttyq kompanııasy magıstraldi qubyrlar arqyly munaı tasymalyn arttyryp, teńizben tasymaldy azaıtqan. Bul týraly aktsıonerlik qoǵamnyń 2023 jyldyń birinshi toqsanyndaǵy óndiristik nátıjeleri týraly esebinde aıtylǵan, dep habarlaıdy QazAqparat tilshisi.

«Magıstraldy qubyrlar arqyly munaı tasymaldaý kólemi 4,5% artyp, 16 765 myń tonnaǵa jetti. Kólemniń ósýine negizinen QazTransOıl júıesi boıynsha Samara baǵytyna qaraı Qashaǵan munaıy kóleminiń ulǵaıýy, sondaı-aq Dýnga jáne Teńiz ken oryndarynan Aqtaý porty baǵytyna munaı tasymalynyń ulǵaıýy áser etti», - delingen esepte.

Al teńiz arqyly tasymal 7 paıyzdan astamǵa kemigen.

«Munaıdy teńiz arqyly tasymaldaýdyń jalpy kólemi 7,7% nemes 2 094 myń tonnaǵa azaıdy. Munyń sebebi – jetkizilimderdiń basqa marshrýttarǵa qaıta baǵyttalýyna baılanysty qazaqstandyq júk jóneltýshilerdiń Jerorta teńizinmen eksporttalatyn munaı kólemin tómendetýi.

QMG men Ázerbaıjannyń SOCAR kompanııasy arasyndaǵy Aqtaý – Baký – Djeıhan baǵyty boıynsha jyl saıyn kólemi 1,5 mln tonna bolatyn munaı tranzıti týraly kelisim aıasynda 2023 jyldyń sáýir aıynda Djeıhan termınalynan «Petromidia» MÓZ-i úshin Konstantsa rýmyn porty baǵytyna qaraı 90 myń tonna kóleminde munaıdyń alǵashqy partııasy tankermen tasymaldandy», - dep jazylǵan kompanııanyń málimetinde.