QazMunaıGaz basshysy Jańaózen paralımpıadashylarymen kezdesti
Negizi 1990 jyly qalanǵan sport klýby múmkindigi shekteýli jandardy qoǵamǵa beıimdeýdi, sondaı-aq respýblıkada paralımpıadalyq qozǵalysty damytýdy kózdeıdi. Klýbta voleıboldy otyryp oınaýmen, voleıboldy turyp oınaýmen, jaǵajaı voleıboly, ústel tennısi, qolarba bıi jáne aýyr atletıka sııaqty sport túrlerimen aınalysýǵa bolady. «Alǵa» tárbıelenýshileri birneshe ret Qazaqstan chempıony, shetelderde ótken halyqaralyq jarystardyń jeńimpazdary men júldegerleri atanǵan.
Byltyr jańaózendikter elimizdiń ulttyq quramasynyń sapynda Malaızııada ótken Paralımpıada oıyndarynda úsh qola medal jeńip aldy. Bıyl shildede Astanada ótken Azııa chempıonatynda jattyqtyrýshy Quralbek Seıdov bastaǵan Mańǵystaý paravoleıbolshylary Qazaqstan quramasynyń sapynda kelesi jyly Parıjde ótetin XVII Jazǵy Paralımpıada oıyndaryna joldama jeńip aldy.
«QazMunaıGaz» ulttyq kompanııasy men onyń enshiles kásiporny «Ózenmunaıgaz» «Alǵa» klýbyn qoldap, sporttyq jabdyqtarmen qamtamasyz etýge, jarystarǵa daıyndalýyna uzaq ýaqyttan beri qol ushyn sozyp keledi.
Qazirgi ýaqytta klýb músheleri Q.Seıdovtyń jetekshiligimen №8 Jańaózen orta mektebiniń sport zalynda jattyǵady, kezdesý de osy jerde ótti.
Parasportshylarmen tildesken M.Myrzaǵalıev elimizde paralımpıada qozǵalysy qarqyndy damyp jatqanyn, onyń salaýatty ómir saltyn nasıhattaýǵa ǵana emes, sondaı-aq múmkindigi shekteýli jandardy qoǵamǵa beıimdep, belsendi bolýǵa, sondaı-aq kedergisiz orta ıdeıalaryn qalyptastyrýǵa yqpal etip otyrǵanyn atap ótti.
«Búgin sizdermen jattyǵýǵa qatysyp, sportshylardyń daıyndyǵyn, sheberligin, kúsh-jigeri men yntymaǵy jarasqan ujymjy kórip, klýbtyń tabysty bolatynyna kóz jetkizdim. Jattyqtyrýshylaryńyz Quralbek Mamyrtaıulyna erekshe alǵys bildiremin. Sizder — jas býynǵa úlgi bolatyn jansyzdar. Temirdeı tártip, jeńiske jáne damýǵa degen umtylystaryńyz tánti etedi. Sportta da, ómirde de bıik belesterdi baǵyndyrýǵa tilektespin. Ulttyq kompanııa sizderdi qoldap, kómek berýge árdaıym daıyn», — dep atap ótti M.Myrzaǵalıev.
QMG basshysy klýb tárbıelenýshileri men jattyqtyrýshylarǵa tolaǵaı tabys pen respýblıkalyq jáne halyqaralyq deńgeıdegi jarystarda jeńis tiledi.
