«QazMunaıGaz» basshysy Qashaǵandaǵy Soltústik Kaspıı jobasynyń óndiristik nysandaryn aralady
Aldymen NCOC basshylyǵy «Bolashaq» zaýytynda ótken jıyn barysynda gaz separatory júıesindegi máselelerdi sheshý joldaryn atady. Atap aıtqanda, kompanııa ókilderi problemalardy týdyrǵan sebepterdi anyqtaýǵa arnalǵan arnaıy tekserý baǵdarlamasyn tanystyrdy. «QazMunaıGaz» basshylyǵyna baǵdarlamanyń iske asyrylý barysy kórsetildi.
Sonymen qatar, Qashaǵandaǵy óndiris qýattylyǵyn tolyq kólemde qalpyna keltirý jospary daıyndalýda. Qazir munda táýligine 100 myń barrel munaı óndiriledi.
Jıyn barysynda Operator júzege asyryp jatqan áleýmettik jaýapkershilik pen tabıǵatty qorǵaý is-sharalary, jergilikti qamtý jáne sheteldik mamandardy qazaqstandyq kadrlarmen almastyrý máseleleri talqylandy.
Eske sala keteıik, NCOC kompanııasy osydan alty jyl buryn Qashaǵanda kommertsııalyq munaı ıgerýge kirisken edi. Al bıyl Soltústik Kaspıı boıynsha ónim bólisý kelisimine qol qoıylǵanyna 25 jyl tolyp otyr.