«QazMunaıGaz» basqarýdyń ortalyqtandyrylǵan ıntegratsııalyq júıesin engizbek
Maqsat - qazirgi zamanǵy halyqaralyq standarttarǵa sáıkes basqarýdyń ortalyqtandyrylǵan ıntegratsııalyq júıesin engizý. Bul týraly kompanııanyń baspasóz qyzmetinen habarlandy.
«Áleýmettik Jaýapkershilik pen Turaqty Damýdy basqarý basqarý salasynda halyqaralyq standarttardy paıdalaný jetekshi halyqaralyq korporatsııalardyń kúndelikti tájirıbesine aınalýda. Qazaqstanda halyqaralyq standarttardy halyqaralyq jáne jeke eldik ІRO-larǵa, ulttyq kompanııalarǵa, onyń ishinde munaıgaz sektoryna kiretin kompanııalarǵa engizip jatyr. Osyǵan oraı, «QazMunaıGaz» UK AQ Qazaqstan Respýblıkasy munaıgaz kompanııalary tájirıbesinde Áleýmettik Jaýapkershilik pen Turaqty Damýdy basqarýdyń qazirgi zamanǵy standarttaryn qalyptastyrýdyń jańa ádisterin engizý boıynsha belsendi pozıtsııa ustanady», delingen baspasóz habarlamasynda.
Joba aıasynda Qazaqstanda birinshi ret mynadaı mindetter júzege asyrylýda: ulttyq munaıgaz holdınginiń ÁJTD ortalyqtandyrylǵan ıntegratsııalyq basqarý júıesin qurý, ÁJTD basqarýdyń halyqaralyq standarttaryn júıeli túrde engizý, qarjylyq emes esep berý, aýdıt, halyqaralyq standarttar talaptaryna sáıkes jaýapty qyzmetkerlerdiń biliktiligin kóterý protsesin uıymdastyrý. «Biz turaqty damý men bıznestiń áleýmettik jaýapkershiligi prıntsıpterin sabaqtastyra engizý kúndelikti iskerlik tájirıbeni neǵurlym tıimdi ete túsetinine, steıkholderlerdiń ashyqtyǵy men ózara birikken is-qımylǵa yqpal etetinine, aktsıonerler men ınvestorlar qatynastarynyń jarııalylyǵyn qamtamasyz etetinine senimdimiz. Biz qazirdiń ózinde kompanııalardyń tájirıbesinde áleýmettik jaýapkershilik salasyndaǵy belgili bir halyqaralyq standarttar formatyn qoldanamyz. Bizdiń kompanııalar toby boıynsha halyqaralyq GRI (Global Reporting Initiative) esep berý júıesin engizýde tájirıbemiz bar. Ol ekologııa, kásiporyndarda eńbekti qorǵaý, áleýmettik jaýapkershilik salasynda kompanııanyń eńbek jáne qyzmet jaǵdaılary máseleleri boıynsha usynysty jáne aqparatty taldaýdy jeńildetedi. Al BUU-nyń ǵalamdyq kelisimshart talaptaryna kompanııa sonaý 2006 jyly qosylǵan», - deıdi «QMG» UK AQ Basqarma tóraǵasy Lıazzat Qıynov.
Jobaǵa qoǵamdyq uıymdardyń ókilderi, qazaqstandyq jáne sheteldik sarapshylar, QMG UK AQ kompanııalar tobynyń adam resýrstaryn basqarý, qoǵamdyq baılanysty basqarý, qorshaǵan ortany qorǵaý, eńbekti qorǵaý jáne óndiristik qaýipsizdik, áleýmettik jobalardy basqarý salasy boıynsha basshylary men jetekshi mamandary qatysady.
