«QazMunaıGaz» Barlaý Óndirý» kompanııasy I toqsandy shyǵynmen aıaqtady

ASTANA. 15 mamyr. QazAqparat - «QazMunaıGaz» Barlaý Óndirý» AQ (QMG BÓ) aǵymdaǵy jyldyń I toqsanyn 660 mln. teńge taza shyǵynmen aıaqtady. Bul týraly halyk-ipo.kz portaly habarlap otyr.

Kompanııa ótken jyldyń uqsas kezeńin kerisinshe 75,218 mlrd teńge mólsherinde taza tabyspen qorytyndylaǵan bolatyn. Bul týraly Halyqaralyq qarjylyq esep standartynyń shoǵyrlandyrylǵan esebinde habarlanǵan.

QMG BÓ shyǵynǵa batýyn qunsyzdanýǵa ketken qosymsha shyǵystarmen, birlesken jáne qaýymdastyrylǵan kásiporyndar kiristeriniń tómendegenimen, óndiristik shyǵystardyń artqanymen túsindirip otyr. Kompanııanyń qańtar-mamyr aılaryndaǵy túsimi 202 mlrd. teńgeni qurady, bul 2012 jyldyń uqsas kezeńindegiden 2%-ǵa kóp. Bul munaı baǵasynyń tómendeýimen baılanysty. 2013 jyldyń alǵashqy úsh aıynda QMG BÓ óndirý kólemi 3,002 mln tonna munaıdy qurady, bul 2012 jyldyń dál osyndaı kezeńindegiden 1%-ǵa az.