«QazMunaıGaz» Barlaý Óndirý» AQ-y munaı óndirisin turaqtandyrdy
TANA. 14 qarasha. QazAqparat - «QazMunaıGaz» Barlaý Óndirý» AQ 2011 jyldyń alǵashqy toǵyz aıynda 9 207 myń tonna munaı, shamamen táýligine 250 myń barrel óndirdi. Bul 2010 jyldyń sáıkes kezeńindegiden 739 myń tonnaǵa nemese 7 %-ǵa az, dep habarlaıdy kompanııanyń resmı saıty.
«Toǵyz aıdyń óndirý nátıjelerine 2011 jyldyń naýryz-sáýir aılarynda aýa-raıynyń qolaısyzdyǵynan ken oryndarynda elektr qýatyn shekteý, apatty sóný jaǵdaılary, sondaı-aq «Ózenmunaıgaz» fılıalynda bolǵan narazylyq aktsııasy keri áser etti», - delingen kompanııanyń resmı qarjylyq nátıjelerinde.
«Ózenmunaıgaz» óndiristik fılıaly 3 789 myń tonna munaı óndirdi, bul ótken jyldyń sáıkes kezeńindegiden 685 myń tonnaǵa kem.
Habarlamada atap kórsetilgenindeı, qazirgi tańda turaqty óndiristik protsess qalpyna keltirilgen. Qolǵa alynǵan sharalardyń arqasynda táýliktik munaı óndirý kóleminiń ulǵaıý qarqyny baıqalady.
«Jyl sońynda jospardan qalyp qoıý shamamen 1 150 myń tonnany nemese QMG BÓ jalpy óndirý kóleminiń 8,5%-yn quraýy múmkin. Bul baǵalaý jyl sońyna deıin aıtarlyqtaı turaqty óndiristik protsestiń buzylmaýyn qarastyrady», - delingen habarlamada.
