«QazMunaıGaz» Barlaý Óndirý» AQ ótken jyly 12 341 myń tonna munaı óndirdi
ASTANA. 3 naýryz. QazAqparat - «QazMunaıGaz» Barlaý Óndirý» AQ ótken jyly 12 341 myń tonna munaı óndirdi, dep habarlady kompanııanyń baspasóz qyzmetinen.
«2011 jyly QMG BÓ «Qazgermunaı» BK» JShS, CCEL jáne «PetroQazaqstan Ink.» kompanııalaryndaǵy úlesterdi eseptegende, 12 341 myń. tonna (táýligine 250 tys. barrel) munaı óndirdi, bul 2010 jylǵydan 944 myń. tonnaǵa nemese 7 paıyzǵa az», - delingen baspasóz aqparatynda.
Kompanııanyń atap ótýinshe, «Ózenmunaıgaz» óndiristik fılıaly 5 082 myń. tonna (táýligine 102 myń. barrel) munaı óndirdi, bul ótken jylǵydan 884 myń. tonnaǵa kem. Al «Embimunaıgaz» 2 818 myń. tonna (táýligine 57 myń. barrel), ıaǵnı ótken jylǵydan 18 myń.tonnaǵa artyq óndirdi. Sonyń arqasynda, ÓMG jáne EMG kompanııalarynyń jalpy óndirý kólemi 2011 jyly 7 900 myń. tonnany (táýligine 159 myń. barrel) qurady. Bul 2010 jylǵy kórsetkishten 866 myń. tonnaǵa nemese 10 paıyzǵa tómen.
