«QazMunaıGaz» Barlaý Óndirý» AQ ótken jyly 12 341 myń tonna munaı óndirdi
ASTANA. 9 qańtar. QazAqparat - «QazMunaıGaz» Barlaý Óndirý» AQ «Qazgermunaı» BK» JShS, «Qarajanbasmunaı» (CCEL), «PetroQazaqstan Ink.» (PQI) kompanııalaryndaǵy úlesterdi esepke alǵanda,
2011 jyly 12 341 myń tonna munaı (táýligine 250 myń barrel) óndirdi, bul 2010 jyldaǵydan 944 myń tonnaǵa nemese 7 paıyzǵa kem. Bul týraly 2011 jyldyń operatsııalyq nátıjelerin jarııalaǵan atalǵan kompanııanyń aqparattyq habarlamasynda aıtylǵan.
«Ózenmunaıgaz» óndiristik fılıaly (ÓMG) 5 082 myń tonna (táýligine 102 myń barrel) munaı óndirdi, bul ótken jyldaǵydan 884 myń tonnaǵa az. «Embimunaıgaz» óndiristik fılıaly (EMG) 2 818 myń tonna (táýligine 57 myń tonna) munaı óndirdi, bul ótken jyldaǵydan 18 myń tonnaǵa artyq, sonyń arqasynda 2011 jyly ÓMG jáne EMG jalpy óndirý kólemi 7 900 myń tonnany (táýligine 159 myń barrel) qurady, bul 2010 jyldaǵydan 866 myń tonnaǵa nemese 10 paıyzǵa kem», - delingen habarlamada.
Kompanııa baspasóz qyzmetiniń atap ótýinshe, óndirý nátıjelerine 2011 jyldyń mamyr-tamyz aılarynda ÓMG-de ótken zańsyz narazylyq aktsııasy, sondaı-aq aǵymdaǵy jyldyń qańtar-sáýir aılarynda aýa-raıynyń qolaısyzdyǵynan ken oryndarynda elektr qýatyn berýdi shekteý, apatty sóný jaǵdaılary keri áser etti. Kompanııa munaı óndirýdi qalpyna keltirý jóninde birqatar sharalardy qolǵa aldy, sonyń arqasynda táýliktik munaı óndirý deńgeıiniń ósý qarqyny baıqalady, 2011 jyldyń 31 jeltoqsanyndaǵy jaǵdaı boıynsha munaı óndirý deńgeıi táýligine 14,2 myń tonnany (táýligine 105 myń barrel) quraıdy.
CCEL, QGM jáne PQI kompanııalarynyń óndirýindegi QMG BÓ úlesi 2011 jyly 4 442 myń tonnany (táýligine 91 myń barrel) qurady, bul atalǵan birlesken kásiporyndardaǵy óndirý josparyna sáıkes 2010 jyldaǵy óndirý kólemimen salystyrǵanda, 78 myń tonnaǵa nemese 2 paıyzǵa az.
