«QazMunaıGaz» Barlaý Óndirý» AQ-nyń 2012 jylǵa arnalǵan bıýdjeti 126,5 mlrd. teńgeni quraıdy

Bul týraly kompanııanyń 2012 jyly bıýdjet josparyna arnalǵan habarlamasynda aıtylǵan.

«QR Úkimeti men «QazMunaıGaz» UK AQ-nyń resmı boljamyna sáıkes, Brent markaly munaıdyń barreline 80 AQSh dollary baǵasyn eskere otyryp jasalǵan QMG BÓ-niń 2012 jylǵa arnalǵan bıýdjeti 126,5 mlrd. teńge (852 mln. AQSh dollary) mólsherindegi kúrdeli salymdardy qamtıdy. Bul 2011 jyldaǵy osy maqsatqa jumsaǵan shyǵynnan 19 paıyzǵa kóp. Kúrdeli salymdardyń artýy negizinen geologııalyq barlaý jumystary shyǵyndarynyń artýyna jáne qosymsha servıstik kásiporyndardy qurý shyǵyndarynyń ulǵaıýyna baılanysty, onyń maqsaty tómende baıandalady. Kompanııa Fedorovskıı blogynda geologııalyq barlaý jumystaryn jalǵastyrýǵa 64 mln. AQSh dollary kóleminde ınvestıtsııa salýdy josparlap otyr. Kompanııa atalǵan bloktyń 50 paıyz úlesine ıe, esep shoǵyrlandyrýdyń úlestik ádisi negizinde júrgiziledi», - delingen habarlamada.

2012 jyly negizgi aktıvterde josparlanǵan óndirý kólemi 8 615 myń tonnany (táýligine 174 myń barrel) quraıdy, onyń ishinde «Ózenmunaıgaz» ÓF + 5 800 myń tonna, «Embimunaıgaz» ÓF - 2 815 myń tonna. Bul 2011 jyly óndirilgen 7 900 myń tonnadan (táýligine 159 myń barrel) 9 paıyzǵa kóp. Osy kólemnen 2 100 myń tonna Atyraý MÓ-de odan ári óńdeý úshin ishki naryqqa jóneltiledi dep kútilýde. Іshki naryqqa jetkizý baǵasy tonnasyna 34,0 myń teńge bolady dep josparlanýda. Bul 2011 jyldaǵy tonnasyna 27,3 myń teńge mólsherindegi jetkizý baǵasynan 25 paıyzǵa qymbat.

QGM, CCEL, PQI óndirý kólemderindegi QMG BÓ-niń josparlanǵan úlesi 2012 jyly 4 441 myń tonnany (táýligine 91 myń barrel) quraıdy. Osylaısha, QMG BÓ shoǵyrlandyrylǵan óndirý kólemi QGM, CCEL, PQI óndirý kólemderindegi úlesti esepke alǵanda, 2012 jyly 13 056 myń tonna (táýligine 265 myń barrel) deńgeıinde bolady dep josparlanýda. Bul 2011 jyldaǵydan 715 myń tonnaǵa nemese 6 paıyzǵa artyq.

2011 jyldyń sońynda memlekettik organdar tarapynan kompanııaǵa Mańǵystaý oblysyndaǵy áleýmettik jaǵdaıdy jaqsartý maqsatynda jańa jumys oryndaryn qurý jónindegi jumystar atqarýdy tapsyrdy. Kompanııanyń Dırektorlar keńesi memlekettik organdardyń pikirin bólise otyryp, jalpy jumyskerlerdiń shtattyq sany 2000-nan asatyn, QMG BÓ-ge jáne Mańǵystaý oblysyndaǵy basqa da kompanııalardyń servıstik qyzmet kórsetetin eki birdeı kóliktik jáne burǵylaý kásipornyn qurý týraly sheshim qabyldady.

Aldyn-ala esepteýlerge qaraǵanda, mundaı sharalar operatsııalyq shyǵyndardy 12,3 mlrd. teńgege (83 mln. AQSh dollary), al kúrdeli salymdardy 8,3 mlrd. teńgege (56 mln. AQSh dollary) ulǵaıtýy múmkin. Atalǵan shyǵyndar 2012 jyldyń bıýdjetine qosyldy jáne úshinshi taraptarǵa qyzmet kórsetýden túsetin qosymsha kirispen ishinara ótelýi múmkin. Dırektorlar keńesi aktsıonerlerdiń múddesi tıisti deńgeıde nazarǵa alynýy úshin Úkimetpen jáne Samuryq-Qazyna qorymen keńesýler júrgizip jatyr.