«QazMunaıGaz» Barlaý óndirý» AQ «NBK» JShS aktıvterin «Embimunaıgaz» óndiristik fılıalynyń aktıvterine biriktirý týraly sheshim qabyldady

dep habarlady kompanııanyń baspasóz qyzmetinen.

Mundaı sheshim keshe «QazMunaıGaz» Barlaý Óndirý» AQ aktsıonerleriniń kezekten tys jalpy jınalysynda qabyldanǵan.

Alqaly jıyn barysynda jalǵyz qatysýshysy QMG BÓ bolyp tabylatyn «NBK» JShS-in kompanııaǵa qosý arqyly qaıta qurylymdaý týraly sheshim qabyldandy. Buǵan deıin habarlanǵanyndaı, Kompanııa 2010 jyldyń qyrkúıeginde Eastern Gate Management Ltd. kompanııasynan 35 mln. AQSh dollaryna NBK-ny 100 paıyz satyp alý týraly mámileni japqan bolatyn.

NBK 2027 jylǵa deıingi merzimge jáne taraptardyń kelisimimen odan ári uzartý quqyǵy bar barlaý men óndirý kelisimshartynyń negizinde «Novobogatınskoe Zapadnoe» ken ornyn ıgerýdi júzege asyrady. «Novobogatınskoe Zapadnoe» ken orny «Embimunaıgaz» ÓF ken oryndary toby aýmaǵymen shektesedi jáne onyń munaı ázirleý, saqtaý jáne tasymaldaýǵa arnalǵan aǵymdaǵy ınfraqurylymyn tolyq paıdalanýǵa múmkindik beredi. Qolaıly geografııalyq ornalasýyn eskere otyryp, kompanııa NBK aktıvterin «Embimunaıgaz» óndiristik fılıalynyń aktıvterine biriktirý týraly sheshim qabyldady.

QMG BÓ men NBK qosylýy túrindegi erikti qurylymdaý óndiristik qyzmettiń tıimdiligin arttyrýǵa jáne kúrdeli jáne operatsııalyq shyǵyndardy ońtaılandyrýǵa múmkindik beredi.