«QazMunaıGaz» Barlaý Óndirý» AQ munaı óndirý kólemin arttyrdy
«QMG BÓ «Qazgermunaı» BK» JShS (QGM), «CCEL» («CCEL») jáne «PetroQazaqstan Ink.» (PQI) kompanııalaryndaǵy úlesterdi qosqanda, 2014 jyldyń alǵashqy úsh aıynda 3 048 myń tonna (táýligine 250 myń barrel) munaı óndirdi, bul 2013 jyldyń osyndaı kezeńindegimen salystyrǵanda 45 myń tonnaǵa nemese 1 paıyzǵa artyq», - delingen kompanııa málimetinde. «Ózenmunaıgaz» AQ (ÓMG) 1 301 myń tonna (táýligine 106 myń barrel) munaı óndirdi, 2013 jyldyń osyndaı kezeńimen salystyrǵanda 5 paıyzǵa artyq. «Embimunaıgaz» AQ (EMG) 684 myń tonna (táýligine 56 myń barrel) óndirdi, 2013 jyldyń osyndaı kezeńine qaraǵanda 1 paıyzǵa kem. Nátıjesinde, ÓMG jáne EMG jalpy óndirý kólemi 1 985 myń tonnany (táýligine 162 myń barrel) qurap, 2013 jyldyń osyndaı kezeńimen salystyrǵanda 3 paıyzǵa artyq boldy jáne óndirý josparyna sáıkes keledi. QMG BÓ-niń CCEL, QGM jáne PQI kompanııalaryndaǵy óndirý úlesi 2014 jyldyń alǵashqy úsh aıynda 1 063 myń tonnany (táýligine 88 myń barrel) qurady, bul 2013 jyldyń osyndaı kezeńimen salystyrǵanda 1 paıyzǵa kem. 2014 jyldyń alǵashqy úsh aıynda ÓMG jáne EMG eksporttyq saýdaǵa arnalǵan munaı kólemi 1 459 myń tonnaǵa (táýligine 117 myń barrel) jetti, al ishki naryqqa satý 519 myń tonnany (táýligine 42 myń barrel) qamtydy. Kompanııa 2014 jyly ÓMG men EMG ishki naryqqa 1,9 mln. tonna munaı satady dep boljaıdy. CCEL, QGM jáne PQI kompanııalarynyń satý kólemindegi QMG BÓ-niń úlesi 1 051 myń tonna munaıdy (táýligine 87 myń barrel) qurady, onyń 598 myń tonnasy (táýligine 49 myń barrel) eksportqa shyǵaryldy. Bul kórsetkish kompanııalardyń jalpy satý kóleminiń 57 paıyzyn qamtydy. Іshki naryqqa jóneltiletin munaı kóleminiń artýy QR Munaı jáne gaz mınıstrliginiń kvotany arttyrýyna baılanysty bolyp otyr. Aıta keteıik, «QMG BÓ» AQ munaı óndirý kólemi jaǵynan Qazaqstanda kóshbasshylardyń úshtigine kiredi. Kompanııanyń óndirý kólemi «Qazgermunaı» BK JShS men CCEL («Qarajanbasmunaı» AQ) jáne «PetroQazaqstan Ink.» kompanııalaryndaǵy úlesterdi eseptegende, 2013 jyly 12,4 mln. tonnany (táýligine 251 myń barrel) qurady.
