«QazMunaıGaz» Barlaý Óndirý» AQ 2014 jyly 7,6 mln tonna munaı eksporttady
«2014 jyly «ÓzenMunaıGaz» jáne «EmbiMunaıGaz» munaıyn satýdyń eksporttyq kólemi 5 571 myń tonnany (táýligine 110 myń barrel) nemese munaıdy satý jalpy kóleminiń 70% qurady (2013 jyly: 75%). Іshki naryqqa jetkizilimder 1 967 myń tonnany (táýligine 39 myń barrel) nemese jalpy munaı satylymy kóleminiń 25% qurady (2013 jyly: 25%)», - delingen kompanııa esebinde. Sonymen qatar, CCEL, QGM jáne PQI kompanııalarynyń satý kólemindegi QMG BÓ úlesi 4 166 myń tonna munaıdy (táýligine 85 myń barrel) qurady, onyń 1 944 myń tonnasy (táýligine 40 myń barrel) eksportqa shyǵaryldy, bul - kompanııalardyń jalpy satý kóleminiń 47%-yn quraıdy. Bul 2013 jyly jóneltilgen 4 318 myń tonnaǵa (táýligine 88 myń barrel) qaraǵanda 4% kem, onyń 3 828 myń tonnasy (táýligine 78 myń barrel) nemese 89% eksportqa shyǵaryldy. Buǵan qosa, Reseı Federatsııasy men Qazaqstan Respýblıkasy úkimetaralyq kelisimine sáıkes, qyrkúıek aıynan bastap, 2014 jyldyń aıaǵyna deıin Reseıge ózara munaı jetkizý sharttary boıynsha 447 myń tonna munaı (táýligine 9 myń barrel) jóneltildi. Reseı Federatsııasyna jóneltiletin munaı kólemin QR Energetıka mınıstrligi belgileıdi. Ázirge Kompanııa 2015 jylǵa arnalǵan Reseıge munaı jóneltý kestesin alǵan joq.