«QazMunaıGaz» Barlaý Óndirý» 2014 jyly 47 mlrd. teńge taza paıda tapty
«2013 jylǵy 142 mlrd. teńge (932 mln. AQSh dollary) taza paıdamen salystyrǵanda, 2014 jyly taza paıda 47 mlrd. teńgeni (263 mln. AQSh dollary) qurady, bul 2014 jyldyń birinshi toqsanynda baǵam aıyrmashylyǵymen jartylaı teńgerilgen 2014 jyldyń 4 toqsanyndaǵy aıtarlyqtaı qunsyzdanýǵa baılanysty. Kompanııa sheteldik operatsııalardy qaıta eseptegende baǵam aıyrmashylyǵynan 53 mlrd. teńge (296 mln. AQSh dollary) kiris kórdi. Osylaısha, kezeńdegi kiris salyqty alyp tastaǵanda 100 mlrd. teńgeni (559 mln. AQSh dollaryn) qurady», delingen habarlamada. 2014 jyldyń 4 toqsanynda Kompanııa 195 mlrd. teńge (1 094 mln. AQSh dollary) kóleminde taza shyǵyn kórgen. Bul negizinen «Ózenmunaıgaz» AQ aktıvteriniń 228 mlrd. teńgege (1 274 mln. AQSh dollary) qunsyzdanýyna qatysty shyǵyndar men munaı baǵasynyń tómendeýine baılanysty.