«QazMunaıGaz» álemdegi munaı óndirýshi kompanııalardyń úzdik otyzdyǵyna kirýdi josparlaýda

ASTANA. 8 qazan. QazAqparat - «QazMunaıGaz» álemdegi jetekshi munaı óndirýshilerdiń otyzdyǵyna kirýdi maqsat tutýda.

Bul týraly búgin Astanada ótip jatqan VIII «KAZENERGY» Eýrazııalyq forýmynda QR Munaı jáne gaz mınıstri Uzaqbaı Qarabalın aıtty.

«Búginde ulttyq kompanııalardyń róli artyp keledi. Álemdik ondyqqa qazirdiń ózinde 6 ulttyq kompanııa enip otyr. Jetekshi transulttyq korporatsııalardyń áleýeti myqty árıne, degenmen olar munaı-gaz salasynda azdap sheginýge májbúr bolýda. Osy rette bizdiń «QazMunaıGaz» kompanııasynyń aldyna úlken mindet qoıylýda. Sońǵy on jyl ishinde atalǵan kompanııa álemdik jetekshi munaı óndirýshilerdiń otyzdyǵyna kirýdi maqsat etip keledi, sondyqtan jarty jolda toqtap qalmaımyz dep oılaımyn», - dedi U. Qarabalın.