QazMunaıGaz «Aqtaýnefteservıs» JShS-men onyń jarǵylyq kapıtalynyń 100 paıyz qatysý úlesin satyp alý jóninde mámile jasady
ASTANA. 13 maýsym. QazAqparat - Almaty qalasynda «QazMunaıGaz» Ulttyq kompanııasy» aktsıonerlik qoǵamy «Aqtaýnefteservıs» jaýapkershiligi shekteýli seriktestiginiń jarǵylyq kapıtalynyń 100 paıyz qatysý úlesin satyp alý jóninde mámile jasady.
Bul týraly ulttyq kompanııanyń baspasóz qyzmetinen habarlady.
«Aqtaýnefteservıs» JShS «Mańǵystaýmunaıgaz» aktsıonerlik qoǵamdastyǵynyń aıasynda munaı-servıstik qyzmetter kórsetýmen aınalysady. Ony satyp alýshy - Cooperative KMG PKI UA kompanııasy (QMG ulttyq kompanııasynyń 100 paıyz enshiles uıymy) «Mańǵystaýmunaıgaz» AQ-nyń 50 paıyzyna ıelik etedi. «Aqtaýnefteservısti» satyp alý baǵasy 334 mıllıon AQSh dollaryn qurady.
Jobany júzege asyrý «Aqtaýnefteservıstiń» qyzmet kórsetý sapasyn arttyrýǵa múmkindik jasaıdy, deıdi sarapshylar.
