«QazMunaıGaz» aktsııasyn satyp alýdyń qarapaıym ári jyldam ádisi ázirlendi
«Bizdiń maqsatymyz – tabys deńgeıi men qarjylyq saýatyna qaramastan Qazaqstannyń barlyq azamatynyń bırjada saýda jasaýyn jeńildetý. Sondyqtan Tabys qosymshasyna tikeleı jazylý arqyly «QazMunaıGazdyń» IPO-ǵa qatysýynyń barynsha qarapaıym jáne jyldam ádisin ázirledik. Sizge bar bolǵany tek smartfon, ınternet, jeke kýálik pen bank kartasy qajet. Bul rette tikeleı jazylǵany úshin komıssııa ustalmaıdy. Tek tranzaktsııa úshin banktik tólem alynady. Sondaı-aq, biz «Qazposhta» AQ-men ıntegratsııa jasadyq. Tikeleı jazylýǵa ótinimdi búkil Qazaqstan boıynsha 1000-nan astam bólimshe arqyly qaldyrýǵa bolady», - deıdi Renat Bekturov.
Onyń atap ótýinshe, tikeleı jazylym aktsııalardy birden satýdy josparlamaıtyn nemese brokerdi tańdaýǵa asyqpaıtyn, munyń bárin keıinirek jasaýdy josparlaıtyn jandarǵa óte qolaıly.
«AIX saýda qyzmetiniń 4 jyly ishinde sheteldik jáne jergilikti ınvestorlar ózderin jaıly sezinetin álemdik deńgeıdegi ıntegratsııalanǵan kapıtal naryǵyn qura aldyq. Biz iri qazaqstandyq kompanııalardyń IPO-syn tabysty ótkizip, tájirıbe jınaqtadyq. 2018 jyly ótken lıstıng pen «Qazatomónerkásiptiń» keıingi eki SPO-synyń nátıjesinde onyń aktsııalary qunynyń ósimi 383 paıyzdy qurady. KASPI-di qosarly ornalastyrý da óte sátti boldy – maksımaldy ósim 252 paıyz», - deıdi ol.
Renat Bekturovtyń aıtýynsha, AIX-te saýda jasaý arqyly ınvestor ashyq, ádil jáne rettelgen naryqpen jumys isteıtine, mámileler boıynsha dál jáne ýaqtyly esep aıyrysýǵa, ádil baǵa boıynsha saýda-sattyqqa senim arta alady.
«AIX-te 30-ǵa jýyq qazaqstandyq jáne sheteldik broker tirkelgen. Olar arqyly IPO-ǵa qatysýǵa jáne bırjada baǵaly qaǵazdarmen saýda jasaýǵa bolady. Biz eýropalyq, amerıkalyq, azııalyq jáne qazaqstandyq esep aıyrysý bankterimen jumys isteımiz. Bul geosaıası jaǵdaıǵa qaramastan AIX-tiń úzdiksiz jumysyn qamtamasyz etýge múmkindik beredi», - dep atap ótti basqarma tóraǵasy.
Aıta keteıik, Astana International Exchange (AIX) 2017 jyly «Astana» halyqaralyq qarjy ortalyǵyn damytý aıasynda quryldy.
AIX mıssııasy – jergilikti jáne sheteldik ınvestorlardy tartý úshin túsinikti jáne tıimdi jaǵdaılardy qamtamasyz etý esebinen Qazaqstanda jáne Ortalyq Azııa óńirinde kapıtaldyń belsendi naryǵyn damytý, sondaı-aq jeke bıznes pen jalpy ekonomıkanyń ósýin qarjylandyrýǵa arnalǵan platforma qurý.
