QazMunaıGaz aktsııalaryn ıelikten shyǵarý týraly Úkimet qaýlysyn túsindirdi

ASTANA. QazAqparat – «QazMunaıGaz» UK» AQ Úkimettiń kompanııa aktsııalaryn básekeles ortaǵa berýdiń keıbir máseleleri týraly qaýlysyna túsinik berdi, dep habarlaıdy QazAqparat tilshisýi.

«2022 jyldyń 5 qarashasynda qabyldanǵan Úkimet qaýlysy jekeshelendirý aıasynda jalpy ıelikten shyǵarylýy múmkin (2022 jylǵy ІRO aıasynda ǵana emes, sonymen birge keleshekte qundy qaǵazdardyń uıymdastyrylǵan naryǵynda kompanııa aktsııalaryn áleýetti usynýǵa oraı) aktsııalardyń maksımaldy sanyna qatysty», - dep atap ótti QazAqparat saýalyna túsinikteme bergen kompanııa baspasóz qyzmetinen.

«QazMunaıGaz» kompanııasynyń naqtylaı túsýinshe, osy usynys aıasynda «Samuryq-Qazyna» AQ-qa tıesili aktsııalardyń 5 paıyzdan aspaıtyn mólsherin satý josparlanǵan.

Aldaǵy ýaqytta aktsııalardyń naqty sany, qurylymy men quny ótinimderdi jınaý aıaqtalǵannan keıin Úkimet qaýlysymen bekitiledi.

Keshe «QazMunaıgaz» kompanııasy aktsııalaryn halyqtyq ІRO-ǵa shyǵarýǵa jol ashatyn Úkimet qaýlysy jarııalanǵan bolatyn.

Aıta keterligi, taıaýda «Samuryq-Qazyna» AQ basqarma tóraǵasy Almasadam Sátqalıev qor «QazMunaıGazdyń» 30 505 974 jaı aktsııasyn satýǵa nıetti ekenin aıtqan edi.

Bul rette bir jaı aktsııanyń baǵasy shamamen 8 406 teńge bolmaq.

Foto: kmginternational.com