«QazMunaıGaz» AQ charterlik áýe reısterin ne úshin satyp aldy

ASTANA. KAZINFORM – «QazMunaıGaz» ulttyq kompanııasynan charterlik áýe reısterdi uıymdastyrý boıynsha qyzmetterdi satyp alýǵa qatysty túsinik berildi. 

«QazMunaıGaz» AQ ulttyq kompanııasy 5 jylǵa (2024-2028 jj) charterlik reısterdi uıymdastyrý qyzmetin satyp aldy. Charterlik áýe reısteri - iskerlik jáne óndiristik mindetterdi jedel sheshý úshin, onyń ishinde tótenshe jáne avarııalyq jaǵdaılar kezinde turaqty jolaýshylar reısteri bolmaǵan kezde shuǵyl jaǵdaılarda paıdalanady», - delingen habarlamada.

Aqparatta aıtylǵandaı, is-saparlar aldyn ala josparlanǵan jaǵdaıda «Air Astana», «SCAT», «Qazaq Air» jáne basqa da áýe kompanııalarynyń qyzmeti men temirjol tasymaly qyzmetterin paıdalanady.

«Charterlik qyzmetter úshin tólem kórsetý fakti boıynsha júrgiziledi. ıAǵnı charterlik reıs qajet bolmasa kompanııa qarajaty jumsalmaıdy», - dep túsindirildi QazMunaıGaz AQ-dan.