«QazMunaıGaz» 2024 jyly 8,3 trln teńge tabys kórgen

ASTANA. KAZINFORM — «QazMunaıGaz» ulttyq kompanııasy 2024 jyldyń esebin jarııalady.

Kompanııanyń 2024 jylǵy tabysy 8 330 mlrd teńge (17 750 mln AQSh dollary) boldy. Bul 2023 jylmen salystyrǵanda 0,1% joǵary. Tabystyń turaqtylyǵy birqatar faktorǵa, sonyń ishinde munaı óndirý men tasymaldaý kóleminiń ósýine baılanysty.

— Bul shıki gazdy aıdaý kompressorlaryndaǵy jóndeý jumystary men shlıýz ustaǵyshty aýystyrý esebinen Qashaǵandaǵy shıki munaıdy satý kóleminiń tómendeýiniń jáne Petromidia munaı óńdeý zaýytyndaǵy kúrdeli jóndeý jumystaryna baılanysty KMG International-ǵa munaı ónimderin satý kóleminiń tómendeýiniń keri áserin ótedi, — dep jazylǵan esepte.

Sonymen, ulttyq kompanııanyń byltyrǵy tabysy 2023 jylǵa kórsetkishten 20 mlrd dollar kóp bolyp otyr.

Al salyq pen borysh mindettemelerin alyp tastaǵandaǵy taza tabys 1 trln 94 mlrd teńge (2 trln 332 mln dollar) bolǵan. 2023 jylǵy taza tabys kólemi 927 mlrd teńge edi.

Kompanııanyń moınyndaǵy jalpy borysh kólemi 3 trln 967 mlrd teńge (7 mlrd 555 mln dollar) dep kórsetilgen. Bul 2023 jyldyń 31 jeltoqsanyndaǵy kórsetkishten 210 mlrd teńge kóp. Onyń ishinde taza qaryz 1 trln 163 mlrd teńge (2 mlrd 214 mln dollar) bolǵan. (2023 jyly taza qaryz kólemi 1 trln 645 mlrd teńge edi).

Buǵan deıin «QazMunaıGaz» dáleldenbegen munaı qory 800 mln tonna bolatyn ken oryndaryn zerttep jatqanyn jazǵan edik.