«QazMunaıGaz» 2011 jyldyń birinshi toqsanyndaǵy qarjy-sharýashylyq qyzmetiniń aldyn ala qorytyndysyn shyǵardy

Aýdıttelmegen aldyn ala málimetterge qaraǵanda, kompanııanyń eseptik kezeńdegi shoǵyrlandyrylǵan tabysy 621 mlrd. teńgeni qurady, bul 2010 jylǵy kórsetkishten 18 paıyzǵa artyq.

Atalmysh kezeńde munaı jáne gaz kondensatyn óndirýdiń shoǵyrlandyrylǵan kólemi 5,4 mln. tonnany qurady, bul 2010 jyldyń osy merzimindegi kórsetkishten 2 paıyzǵa joǵary.

Munaıdy magıstraldy qubyr jelileri arqyly tasymaldaý 16,4 mln.tonnany qurady. Munaıdy teńiz flotymen tasymaldaý 11 paıyzǵa ósip, kólemi 2 mln.tonnaǵa jetti. Munaıdy magıstraldy qubyrlarmen tasymaldaýdaǵy júk aınalymy 10,8 mlrd. tonna-kılometrdi qurady, bul 2010 jyldyń osy merzimimen salystyrǵanda 9 paıyzǵa artyq.

Esepti kezeńde 25,5 mlrd.tekshe metrden astam gaz tasymaldandy, bul 2010 jyldyń 1 toqsanymen salystyrǵanda 1 paıyzǵa kóp.

2011 jyldyń qańtar-naýryz aılarynda «QMG» UK kompanııalary tobynda (The Rompetrol Group-ty qosa eseptegende) 3,6 mln. tonna munaı óńdeldi.

Aýdıttelmegen aldyn ala málimetterge qaraǵanda, «QMG» UK shoǵyrlandyrylǵan tabysy 2011 jyldyń birinshi toqsanynda 621 mlrd. teńgeni qurady, bul 2010 jylǵy kórsetkishten 18 paıyzǵa artyq. Shoǵyrlandyrylǵan tabys 118 mlrd. teńgeni qurady, bul 2010 jyldyń esepti kezeńinen 78 paıyzǵa joǵary.

Elimizdiń bıýdjetine 111 mlrd. teńge salyq jáne basqa da mindetti tólemder tólenip, 2010 jylǵy deńgeıden 9 paıyzǵa artty.

Aǵymdaǵy jyldyń 1 sáýirindegi jaǵdaı boıynsha, «QazMunaıGaz» kompanııalary tobynyń satyp alýdaǵy jalpy kólemi 951 mlrd. teńgeni qurady, bul rette qazaqstandyq úles - 38 paıyz nemese 362,5 mlrd. teńge boldy.

Sonymen birge jalpy kólemi 587 mlrd. teńgege satyp alynǵan taýarlardyń ishinde qazaqstandyq jetkizýshilerdiń úlesi 171 mlrd. teńge, nemese qazaqstandyq úles 29 paıyz boldy.

Jumystardy oryndaýǵa arnalǵan sharttardyń jalpy kólemi 121 mlrd. teńgeni qurady, bul rette qazaqstandyq úles 67%, nemese 81,5 mlrd. teńge boldy.

Barlyǵy 243,6 mlrd. teńgeniń, sonymen birge qazaqstandyq jetkizýshilerden 110,4 mlrd. teńgeniń qyzmeti satyp alyndy, qyzmetterdi satyp alýdaǵy qazaqstandyq úles 45 paıyzdy qurady.

Eske salaıyq, «QazMunaıGaz» ulttyq kompanııasy» AQ - Qazaqstannyń munaı-gaz salasyndaǵy kómirsýtegilerin barlaý, óndirý, óńdeý jáne tasymaldaý, jónindegi qazaqstandyq ulttyq operator. «QazMunaıGaz» UK AQ aktsııalarynyń 100 paıyzy «SamuryqQazyna» ulttyq ál-aýqat qory» AQ-qa tıesili.