«QazMÝ» kishi stansasy Azıadanyń mańyzdy energonysandarynyń biri bolyp tabylady - Premer-Mınıstrdiń Almatyǵa sapary
ALMATY. 9 jeltoqsan. QazAqparat /Elena Ilınskaıa/ - «QazMÝ» kishi stansasy 2011 jylǵy Azıada oıyndarynyń mańyzdy energonysandarynyń biri bolyp tabylady. Premer-Mınıstr Kárim Másimov Almaty qalasyna jasaǵan búgingi jumys saparynyń aıasynda osy nysanda boldy.
Kishi stansany «Alataý Jaryq Kompanııasy» aktsıonerlik qoǵamy Almatynyń energetıkalyq keshenin damytý men jańartýdyń 2015 jylǵa deıingi baǵdarlamasynyń aıasynda iske qosqan. Jabyq tıptegi kishi stansa bolyp tabylatyn ol nysan qalanyń ońtústik bóliginiń tutynýshylary men 2011 jyly ótetin Azıadanyń nysany - shańǵy tramplıni keshenin elektr qýatymen qamtamasyz etýge arnalǵan. Stansanyń qurylysy ótken jyldyń sońynda bastalǵan bolatyn, búginde barlyq jumystar merziminde aıaqtalyp otyr.
Sondaı-aq, aǵymdaǵy jyldyń qarasha aıynda taǵy osyndaı eki kishi stansasy paıdalanýǵa berildi. «Medeý» keshenin jáne «Shymbulaq» shańǵy bazasyn elektr qýatymen jabdyqtaýǵa arnalǵan ol eki stansa da Azıada oıyndarynyń laıyqty deńgeıde ótýine óz úlesin qosatyn bolady.
