«QazMıkroQarjy» JShS 1997 jyldan beri 380, 7 mıllıon dollardyń nesıesin berdi - Basqarma tóraǵasynyń orynbasary
ALMATY. Maýsymnyń 10-y. QazAqparat /Erlik Erjanuly/ - «QazMıkroQarjy» JShS aı saıyn 4603 klıentke nesıe beredi. Bul búgin Almatydaǵy «Korporatıvtik basqarý: daǵdarys sabaqtary, jańa múmkindikter jáne qolaıly úlgiler» dep atalatyn V Halyqaralyq konferentsııada aıtyldy,
dep habarlaıdy QazAqparat.
«Shildeniń 1-indegi derek boıynsha, seriktestiktiń nesıelik qorjyny - 32 mıllıon 573 myń 695 dollardy qurady. 1997 jyly berilgen nesıelerdiń sany - 356 myń 144, al nesıe somasy - 380 mıllıon 73 myń 857 dollar boldy. Bıyl biz aı saıyn beretin nesıeler sany 4603-ke jetip, onyń somasy 6 mıllıon 858 myń 988 dollardy qurap otyr», deıdi «QazMıkroQarjy» JShS Basqarma tóraǵasynyń orynbasary Almıra Ábenova. Onyń aıtýynsha, Qazir olardyń aldynda turǵan basty mindet - qaıta qurý úshin sátti basqarýdyń barynsha tıimdi qurylymyn qurý. Aktsıonerlik qoǵamnyń basqarý qurylymy jaýapkershiligi shekteýli seriktestikten bólek. Kompanııa sondaı-aq, halyqaralyq strategııalyq ınvestorlardy tartý úshin korporatıvtik basqarýdyń ozyq úrdisterin engizýge múddeli. 2010 jylǵy strategııa turaqty damý arqyly naryqtaǵy óz úlesin saqtaý jáne geografııalyq qamtýda tıimdilik pen ónimdilikke baǵyttalǵan.
