«QazMedTeh» AQ «SK-Farmatsııa» JShS-ine qosylady
ASTANA. QazAqparat - «QazMedTeh» AQ «SK-Farmatsııa» JShS-ine qosylady. Bul týraly búgin «SK-Farmatsııa» JShS-iniń keńeıtilgen otyrysy barysynda kompanııa basqarmasy tóraǵasynyń orynbasary Maksım Kasatkın aıtty.
Ol óz sózinde birlese otyryp sheshýdi talap etetin mindetterdiń biri, medıtsınalyq tehnıkalardy satyp alýdy jetildirý ekendigin basa aıtty.
«Belgili bolyp otyrǵandaı, qazirgi ýaqytta «QazMedTeh» AQ-ty «SK-Farmatsııa» JShS-ine qosý protsedýralary júrgizilip jatyr. Qosý jumystary aıaqtalǵannan keıin bizder medıtsınalyq tehnıkalardy satyp alý protsedýralaryn ońtaılandyrýdy usynamyz. Olar bylaı órbýi tıis: lızıngtik jobalardy kelisý jáne satyp alý merzimin qysqartý, tikeleı óndirýshimen aradaǵy kelisimsharttar úlesin arttyrý», - dedi M.Kasatkın.
Sonymen qatar ol jeke densaýlyq saqtaý uıymdary úshin qarjylaı lızıng júıesi iske qosylatyndyǵyn atap ótti.
