«KazMedTeh» AQ Qaraǵandy aýrýhanasyna biregeı jabdyq jetkizdi

Otany jasaýǵa Qaraǵandy oblystyq densaýlyq saqtaý basqarmasy qarjy lızıngi baǵdarlamasy arqyly «KazMedTeh» aktsıonerlik qoǵamynan satyp alǵan zamanaýı qurylǵy qoldanyldy.   
 

«QazAqparat» HAA tilshisi óńirdegi mundaı birinshi otaǵa qatysty. Naýqastyń jasy 66-da, buryn ınsýlt bolǵan. Oǵan tilik arqyly jasalatyn otalar, dárigerlerdiń tilimen aıtqanda, travmatıkalyq ota jasaýǵa tyıym salynǵan. Operatsııa 25 mınýtqa sozyldy. Osy ýaqyt aralyǵynda naýqas esin bilip jatty. Operatsııalyq zalda bir ýaqytta Qaraǵandy aýrýhanasynyń dárigerleri úshin jańa medıtsınalyq qurylǵynyń sheberlik sabaǵy ótti. Bul sabaqty QR Prezıdentiniń is basqarmasy medıtsınalyq ortalyǵynyń tanymal ýrolog-dárigeri, medıtsına ǵylymdarynyń kandıdaty, joǵary sanatty dáriger Pavel Sholoh ótkizdi.

Bes jyldyq tájirıbesi bar hırýrg Farhat Shamshıev ota zalyndaǵy sheberlik sabaǵyna shákirt retinde qatysyp, jańa qurylǵynyń múmkinshiligin joǵary baǵalady. «Bul mashınanyń múmkinshiligin ǵajaıyp dep ataýǵa bolady. Endi adamnyń denesin tilýdiń qajeti joq. Barlyq hırýrgııalyq quraldar aýyrsynatyn dene múshesine tabıǵı jolmen - nesep joly arqyly kiredi. Áseri aıqyn - naýqasqa uzaq ýaqyt boıy aýrýhanada jatyp, jaralaryn tańyp, dári-dármekter qabyldaýdyń qajeti joq», - dedi Farhat Shamshıev.
 

«KazMedTeh» AQ-nyń arqasynda baǵasy tym qymbat bolǵan jańa medıtsınalyq qurylǵy turǵyndar úshin qoljetimdi boldy. Qupııamen bóliseıin, «KazMedTeh» AQ-nyń qoldaýymen №1 qalalyq aýrýhanasy satyp alǵan bul qurylǵy QR Prezıdenti is basqarmasynyń klınıkasynda da joq», - dedi baspasóz máslıhatynda joǵary sanatty dáriger Pavel Sholoh. 

Lızıng boıynsha №1 qalalyq aýrýhanaǵa medıtsınalyq lazerlik júıemen ýrologııalyq operatsııa jasaý úshin vıdeoendoskopııalyq keshen jáne elektrohırýrgııalyq apparat satyp alyp ornatyldy.

«Jańa jabdyqtyń arqasynda ýrologııalyq beıin boıynsha kórsetiletin qyzmetter spektri eleýli keńip keledi, - dedi baspasóz máslıhatynda oblystyń densaýlyq saqtaý basqarmasy basshysynyń orynbasary Asqar Horoshash. -  Bizdiń óńirde nesep-jynys joldary aýrýy basqa aýrý túrlerine qaraǵanda jıi kezdesedi. Bul sýdyń sapasyzdyǵynan, ıaǵnı sý quramynda tuz, oksalat, ýrat kóp. Munyń barlyǵy halyqtyń nesep-jynys joldary aýrýlaryna kóp shaldyǵýyna alyp keledi. Osyǵan baılanysty ótken jyly №1 qalalyq aýrýhanada ýrologııalyq ortalyq ashylyp, «KazMedTeh» kompanııasy usynǵan qoljetimdi jaǵdaı esebinen qarjy lızıngi baǵdarlamasy boıynsha álemdik sanattaǵy jabdyq ornatyldy».
 

Lızıngtik júıeniń artyqshylyǵy  - aýrýhanalar men emhanalar búginniń ózinde qymbat jabdyqty bıýdjetke júk túsirmeı paıdalana alatyndyǵynda. Qarjy lızınginiń arqasynda jabdyqty satyp alýǵa tólem birneshe jyl ishinde júrgiziledi. «KazMedTeh» AQ-da syıaqynyń eń tómen paıyzy -  5 paıyzǵa deıin.

«KazMedTeh» paıdanyń sońyna túspeıtin, qazaqstandyqtardyń densaýlyǵyna qamqorlyqpen qaraıtyn, áleýmettik baǵdarlanǵan,  otandyq medıtsınany jańa deńgeıge kóterýge tyrysatyn  kompanııa ekeinin dáleldedi.

№1 qalalyq aýrýhananyń bas dárigeri Dmıtrıı Chernovtyń aıtýynsha, klınıka «KazMedTeh» kompanııasy tarapynan qoldaýdyń arqasynda zamanaýı  jabdyq satyp aldy.

«Álem bir orynda turmaıdy, dúnıe júziniń jetekshi klınıkalarynda paıdalanylatyn tehnologııa damyp jatyr. Endi bazalyq modýl -vıdeoendoskopııalyq keshen paıda boldy. Aldaǵy ýaqytta ýrologııada da, travmatologııada, hırýrgııada, gınekologııada da paıdalanýǵa múmkindik bolady», - dep atap ótken Dmıtrıı Chernov, sondaı-aq «KazMedTeh» olardy «Dornier» jáne «Olimpus Corporation» sekildi bedeldi halyqaralyq kompanııalar shyǵarǵan qurylǵymen qamtamasyz etip otyǵanyn tilge tıek etti.
 

«KazMedTeh» AQ basqarmasy tóraǵasynyń orynbasary Rýslan Nurmuhanovtyń aıtýynsha, kompanııanyń negizgi qyzmeti lızıngtik qyzmet, ıaǵnı, qarjy lızıngi jaǵdaıynda memlekettik densaýlyq saqtaý uıymdary úshin 5-ten 50 mıllıon teńgege deıin medıtsınalyq tehnıka berý bolyp tabylady.

«Bizdiń qyzmetimizdiń ekinshi túri - medıtsınalyq tehnıkanyń qunyn jáne klınıkalyq-tehnıkalyq negizdemesine jáne tehnıkalyq sıpattamasyna saraptama jasaý. Bul jerde baǵa qanshalyqty negizdi, medıtsınalyq tehnıka satyp alý oryndy ma, osyǵan taldaý jasalady. Úshinshi baǵyt - lızıngke beriletin medıtsınalyq tehnıka jáne basqa da medıtsınalyq jabdyq boıynsha servıstik qyzmetti jetildirý», - dedi Rýslan Nurmuhanbetov.

Rýslan Nurmuhanbetov Qaraǵandy oblysy «qarjy lızıngi jaǵdaıynda medıtsınalyq tehnıkany jańartýdy engizý» boıynsha kósh bastap turǵanyn atap ótti.

«Qaraǵandy oblysymen birlesip bizdiń kompanııa jergilikti bıýdjet esebinen 148 jobany iske asyrdy. Qaraǵandy óńiri - jergilikti bıýdjet esebinen lızıngtik tólemderdi qarjylandyrý-ornyn toltyrýdy engizgenderdiń biri. Budan buryn qarjylandyrý-ornyn toltyrý respýblıkalyq bıýdjet esebinen bolǵan. Eger ótken jyly aktsıonerlik qoǵam eldiń birqatar aýrýhanasyna lızıng jaǵdaıynda 88 apparat qoısa, bıyl 200 birlik medıtsınalyq tehnıka ornatý josparlandy. Olardyń basym bóligi Qaraǵandy, Qyzylorda oblystarynyń densaýlyq saqtaý uıymdaryna ornatylady. Jalpy alǵanda, 7 jylda aktsıonerlik qoǵamnyń jumysy densaýlyq saqtaý uıymdary úshin 600 medıtsınalyq apparat satyp aldy. Jyl basynan bastap 50 birlik tehnıka ornatyldy», - dedi ol.

Sondaı-aq oblystyń densaýlyq saqtaý basqarmasynda semınar-májilis ótti. Onda lızıngtik shema engizý jáne olardy memlekettik-jekeshelik áriptestik aıasynda qoldaný máseleleri talqylandy. Májiliske Qazaqstannyń birqatar óńirleriniń densaýlyq saqtaý basqarmalarynyń ókilderi qatysty.

«KazMedTeh» kompanııasynyń qoldaýymen satyp alynǵan jańa jabdyq qanshalyqty tıimdi ári patsıentterge qandaı paıda ákeletini jaıynda densaýlyq saqtaý basqarmasy basshysynyń orynbasary Asqar Horoshash ózge óńirlerden kelgen  áriptesterine áńgimelep berdi.

«KazMedTeh» AQ - Qazaqstan Densaýlyq saqtaý mınıstrliginiń vedomstvolyq baǵynysty uıymy. 2010 jyly lızıng arqyly memlekettik jáne jeke medıtsınalyq uıymdardy zamanaýı tehnıkamen jaraqtaý maqsatynda qurylǵan.