«Qazmedıaortalyq» álemdegi eń tańdaýly jabdyqtarmen qamtamasyz etilgen - Elbasy
ASTANA. 10 jeltoqsan. QazAqparat /Muratbek Maqulbekov/ - «Qazmedıaortalyq» álemdegi eń tańdaýly jabdyqtarmen qamtamasyz etilgen.
Bul týraly Astanadaǵy «Qazmedıaortalyq» teleradıokesheninde bolǵan baspasóz máslıhatynda Elbasy Nursultan Nazarbaev málimdedi.
«Biz jabdyqtardy 33 mln. teńgege satyp aldyq. Memleket BAQ elimizdiń básekelestikke jaramdylyǵyn, bizdiń jetistikterimiz ben tabystarymyzdan habardar etetin, mádenıetti qalyptastyra otyryp qoǵamdy tárbıeleıtin asa mańyzdy sala ekenin túsinedi», -dep atap ótti N.Nazarbaev.
Elbasy sonymen qatar jańa teleradıokesheninde ornalasatyn telearnalardyń, jalpy BAQ-y jumystarynyń sapasy jaqsara túsetinine úmit artatynyn aıtty. Prezıdenttiń aıtýynsha, qazaqstandyq kontent 50 paıyzdan artyq bolýy tıis. Teleradıokeshenniń jabdyqtary tolyqmetrajdy fılmder men serıaldardy túsirýge kómektesedi. Sondyqtan da usynylyp otyrǵan barsha múmkindikti paıdalaný kerek.
