«Qazmedıada» jarylǵysh zat bar dep habarlaǵan turǵyn aıyppul tóleıtin boldy
ASTANA. QazAqparat - Astana qalasynyń turǵyny «Qazmedıa ortalyǵy» ǵımaratyna jarylǵysh zat ornatylǵandyǵy jaıly jalǵan aqparat taratqany úshin aıyppul tóleıtin boldy, dep habarlaıdy «QazAqparat» HAA tilshisi elordalyq sottyń baspasóz qyzmetine silteme jasap.
Vedomstvo málimetinshe, 2016 jyldyń 10 aqpanynda Astana qalasy ІІD-niń jedel basqarma ortalyǵyna elordalyq turǵyn Qazmedıa ǵımaratynda kúdikti qorap bary týraly habarlaǵan. Atalǵan habarlamany tekserýge Astana qalasy ІІD kúshteri men quraldary jumyldyryldy, alaıda tekseris barysynda atalǵan derek naqtylanbady.
«Jalǵan aqparat bergeni úshin azamat 30 AEK kóleminde aıyppul tóleý túrindegi ákimshilik jaýapkershilikke tartylǵan bolatyn», - delingen habarlamada.
2017 jyly Qazaqstanda AEK 2 269 teńge kóleminde taǵaıyndaldy.
Kóshpeli sharalardy júzege asyrý barysynda qarjylaı shyǵyndar keltirildi, osyǵan baılanysty Astana qalasynyń Saryarqa aýdandyq soty aıyptalýshydan aqshalaı shyǵyn somasyn talap etti.
Sheshim zańdyq kúshine endi.
