Qazmedıa ortalyǵynyń medıamektebinde «Jańalyqtar komandasy» semınary ótedi
ASTANA. 5 qyrkúıek. QazAqparat - Qazmedıa ortalyǵyn» basqarýshy kompanııasy» JShS medıamektebinde 9-11 qyrkúıek aralyǵynda jańa oqý jylynyń ashylýyna oraı,«Jańalyqtar komandasy» atty semınary ótedi, dep habarlady basqarýshy kompanııanyń baspasóz qyzmeti.
Semınarǵa shyǵarýshy redaktorlar, reporterler, ulttyq telearnalardaǵy aqparat qyzmetiniń prodıýserleri, sondaı-aq olardyń jergilikti ókilderi shaqyryldy.
Kýrsty «BBC World Trust» jáne ANO «Internews» halyqaralyq sertıfıkattalǵan medıajattyqtyrýshysy, jýrnalıstter arasynda ótken túrli kásibı baıqaýlardyń laýreaty jáne dıplomanty Denıs Vıshnıa ótkizedi.
Semınardyń negizgi taqyryptary: «TV-da jańalyqtardy qalaı jasaý kerek», «Aqparat oqıǵalaryn izdeý jáne aqparat kózderimen jumys jasaý», «Suhbat alýdyń tıimdi tásilderi».
«Medıa mektep» mass-medıa salasyndaǵy mamandardy daıyndaýda ár túrli kýrstar, arnaıy semınarlar júrgizýmen aınalysady. Bul - qazirgi zamanǵa saı bilim berý ortalyǵy, «Qazmedıa ortalyǵynyń» tehnologııalyq múmkindikterin eskere otyryp, munda teorııa ozyq tájirıbege astasady. Medıa mekteptiń basty mindeti - úzdik tehnologııalar men álemdik aldyńǵy qatarly mamandar tájirıbesi negizinde jergilikti BAQ ókilderiniń, BAQ qyzmetkerleriniń bilim alý men qaıta daıarlaý júıesin uıymdastyrý.
