«Qazmedıa ortalyǵyndaǵy» apat joıyldy

NUR-SULTAN. QazAqparat – «Qazmedıa ortalyǵyndaǵy» apat joıyldy, dep habarlaıdy QazAqparat tilshisi.

«Qazmedıa otalyǵyndaǵy» apat joıyldy. Transformatordaǵy órt sóndirildi. Teleradıo arnalar habar taratýdyń rezervtik formatyna kóshirildi», - dep jazdy QR Aqparat jáne qoǵamdyq damý mınıstri Asqar Ýmarov Facebook paraqshasynda.

Buǵan deıin QR Tótenshe jaǵdaılar mınıstrligi búgin saǵat 20:41-de Nur-Sultan qalasynyń TJD Órt sóndirý bólimsheleri «D.Qonaev kóshesi, 4» mekenjaıynda ornalasqan ǵımaratqa shuǵyl shaqyrtý boıynsha jetkenin habarlaǵan bolatyn.

Vedomstvo málimetinshe, saǵat 21:12-de órt tolyǵymen sóndirilgen. Aldyn ala málimetterge qaraǵanda, tilsiz jaýdyń shyǵýyna akkýmýlıator batareıalarynyń órtenýi sebep bolǵan.