«Qazqutqarý-2021»: Qazaqstanda qutqarý kópsaıysynan halyqaralyq jarystar bastaldy
NUR-SULTAN. QazAqparat - 2021 jylǵy 23 qyrkúıekte Almaty oblysynyń Tamǵaly Tas shatqalynda ornalasqan «Jartasty qala-Astana» oqý – jattyǵý polıgonynda Qazaqstan Respýblıkasynyń Tótenshe jaǵdaılar mınıstri ıÝrıı Ilınniń basshylyǵymen «Qazqutqarý-2021» qutqarý kópsaıysy jáne áskerı-qutqarý úshsaıysy boıynsha jarystardyń ashylý rásimi ótti, dep habarlaıdy QazAqparat.
QR Tótenshe jaǵdaılar mınıstrligi baspasóz qyzmetiniń habarlaýynsha, jarystarǵa Qazaqstan, Ózbekstan jáne Qyrǵyzstan TJM qutqarý bólimsheleri jáne Qazaqstan Respýblıkasy azamattyq qorǵanys áskerı bólimderiniń áskerı qyzmetshi-qutqarýshylary qatysyp jatyr.
Qutqarý kópsaıysy jáne áskerı úshsaıys boıynsha jarystardyń bas tóreshiler alqasy Qazaqstan Respýblıkasy Tótenshe jaǵdaılar mınıstrliginiń jedel-qutqarý jasaqtary men shet memleketterdiń tótenshe jaǵdaılar vedomstvolaryna qatysýshy komandalar arasynda qutqarýshylardyń úzdik komandalaryn anyqtaıdy.
Jarystyń maqsaty qutqarýshylardyń kásiptik daıarlyǵyn jetildirý jáne tájirıbe almasý bolyp tabylady.
Jarys 3 qashyqtyqty, atap aıtqanda «Tehnogendik apattar jaǵdaıyndaǵy izdestirý-qutqarý jumystary» dıstantsııasy, «Akvatorııada izdestirý-qutqarý jumystary» qashyqtyǵy, «Tabıǵı orta jaǵdaıyndaǵy izdestirý-qutqarý jumystary» dıstantsııasy qamtıdy.
Jarystyń birinshi kúni qatysýshylar «Tehnogendik apattar jaǵdaıyndaǵy izdestirý-qutqarý jumystary» qutqarý kópsaıysy boıynsha qashyqtyqtar men «Kross» jáne «Keshendi kúshtik jattyǵýlar» áskerı-qutqarý úshsaıysy boıynsha qashyqtyqtardan ótedi.
Jarystar 23-27 qyrkúıek aralyǵynda ótedi.
