"QazQurylysServıs" AQ «WORLD SERIES OF BOXING S.A.» álemdik serııasy aıasyndaǵy boks matchtaryn ótkizýge demeýshilik jasaıdy
ALMATY. 4 qarasha. QazAqparat /Erlik Erjanuly/ - Almatyda «QazQurylysServıs» AQ men «WORLD SERIES OF BOXING S.A.» Halyqaralyq boks lıgasy álemdik boks serııasy matchtaryn ótkizý úshin demeýshilik kómek jasaý týraly kelisim-shart jasasty. Bul shara AIBA-nyń Halyqaralyq kongresi aıasynda júzege asyp otyr.
«Bul qazaqstandyq munaı-gaz qurylysy kompanııasynyń áýesqoı bokstyń álemdik lıgasyna qosqan úlesi. Búkilálemdik boks serııasy jobasyn júzege asyrý aıasynda AІVA sport ındýstrııasynda revolıýtsııalyq reforma jasap, ǵalamshardaǵy bokstyń damýyna serpin bermek. Qazaqstannyń álemdik áýesqoı boksta jetekshi pozıtsııada ekeni barshaǵa aıan. Májilis depýtaty Serik Qonaqbaev Halyqaralyq áýesqoı boks qaýymdastyǵy Atqarý komıtetiniń músheligine saılandy. Bul Qazaqstanǵa degen senim jáne ulttyq boksty moıyndaý", - deıdi "QazQurylysServıs" AQ-nyń Bas dırektory Sábıt Janasov.
Onyń aıtýynsha, bul qazaqstandyq boksshylar men jankúıerlerdi odan ary yntalandyra túsedi. Mundaı jaǵymdy ózgerister olardyń álemdik bastamany qoldaýǵa óz úlesin qosýyna túrtki bolyp otyr.
