«Qazkontent» kompanııasy National Digital History portalyna basshy izdeıdi
ASTANA. QazAqparat - National Digital History tarıxı portalyna jetekshi qajet. Bul týraly búgin Ortalyq kommýnıkatsııalar qyzmetinde ótken brıfıngte "Qazkontent" AQ basqarma tóraǵasy Asqar Axmetov málim etti.
"Biz National Digital History portalynyń jetekshisi qyzmetine baıqaý jarııalaımyz. Adamdardy izdeıtin arnaıy komıssııa qurylady. Sondyqtan barlyq nıet tanytýshylar "Qazkontent" AQ-ǵa rezıýme joldaı alady. Biz olardy qarap, kezdesý uıymdastyryp, úmitkerlermen áńgimelesemiz", - dedi A.Ahmetov.
Onyń aıtýynsha, National Digital History portaly E-History.kz bazasynda Nursultan Nazarbaevtyń bes ınstıtýtsıonaldy reformalaryn júzege asyrýdyń «100 naqty qadamy» Ult jospary aıasynda ashylady.
"Saıt tarıxty súıetin, ótkenge qatysty derekterdi kóp bilgisi keletin oqyrmandar úshin jumys isteıdi. Barlyq materıaldar ǵylymı-tanymdyq formada beriledi. Saıtqa "Qazaqstanıka" atty bólim engiziledi. Onda ınteraktıvti túrde qyzyqty tarıxı derekter jınaqtalady. Sonymen qatar arnaıy jobalar, saýalnamalar, synaqtar men ózge de ınteraktıvti sharalar qamtylady", - dep atap ótti kompanııa basshysy.
