«Qazkontent» AQ-nyń medıajobalary podkast bólimin iske qosty
Qoldanýshylar «aqyldy radıo» janrynda aqparattyq, saraptamalyq, mádenı-aǵartýshylyq jáne avtorlyq jobalarmen tanysa alady.
«Podkast – bul trend emes, aýdıtorııada suranysqa ıe bolatyndaı BAQ damýynyń qajettiligi. Podkastıng bizdiń basylymnyń qoldanys quraldaryn keńeıtetin, onyń janrlyq quramyn jańartyp, saıttyń jańa oqyrmandary men tyńdarmandarynyń kóbeıýine múmkindik beredi. Podkasttar tutynýshyǵa, sonymen qatar podkast avtoryna óziniń yńǵaılylyǵymen ámbebap qural bolyp sanalady. Podkastta eń bastysy – bul taqyryptyń ózektiligi, avtorlyq kózqarastyń bolýy jáne adamdardyń qyzyqty oqıǵalary, sondaı-aq burynǵy taqyryptarǵa da jańa lep beredi», deıdi el.kz saıtynyń bas redaktory Shyńǵys Maıseıitov.
«Internettiń mańyzynyń artýyna baılanysty, medıasalanyń da múmkindikteri keńeıtilýde. Adamdar barǵan saıyn gazet pen jýrnalǵa, teledıdar men radıoǵa sırek júginetin bolyp barady. Podkasttardyń kezi kelip jetti, onda materıaldar dybystyq formatta beriledi», deıdi e-history.kz bas redaktory Altynbek Qumyrzaq.
«Tsıfrlyq tehnologııa zamanynda ýaqytty únemdeý degen óte mańyzdy. Adamdar ózderiniń altyn ýaqytyn jańalyqtardy oqyp otyrýǵa bólgileri kelmeıdi. Osyǵan baılanysty, strategy2050.kz jobasy apta jańalyqtarynyń eń ózektileri jaıynda habardar etetin aýdıopodkastyny usynady. Osylaısha, bizdiń oqyrmandarymyz aptasyna bir ret, 5 mınýtqa tyńdaýshyǵa aınalady», deıdi strategy2050.kz shyǵarýshy redaktory Aıagóz Qurmasheva.
Shyǵarmashylyq ujymnyń aýdıopodkasttaryn SoundCloud, TuneIn belgili aýdıstrımıngtik servısterinde qol jetkizýge bolady.
Aýdıopodkasttar «Qazkontent» AQ-nyń mýltımedııalyq bazasynda jazylady.
Podkast paraqshalaryna siltemeler: baigenews.kz/podcasts, baq.kz/podcasts,
strategy2050.kz/podcasts, el.kz/podcasts, e-history.kz/kz/podcasts,
assembly.kz/podcasts, adebiportal.kz/podcasts ,
Aıta keterligi, podkast – belgili bir taqyryptaǵy aýdıoblogtar, radıobaǵdarlamalardan aıyrmashylyǵy olardy mobıldi qurylǵyǵa júktep alyp, kez kelgen yńǵaıly jerde tyńdaýǵa bolady.
Onyń radıobaǵdarlamalardan ózgesheligi, naqty ózine tán taqyryby bar aýdıoblogtar. 2018 jyly 2017 jylǵa qaraǵanda podkast tyńdaýshylardyń sany álem boıynsha 4 ese ósken.
Podkast tyńdaýshy elderdiń biri - Ońtústik Koreıa, onda halyqtyń 58%-y podkast tyńdaıdy. AQSh-tyń árbir úshinshi turǵyny podkasterlerge jazylǵan. Kanada aýdıtorııasynyń 43%-y podkastty YouTube arnasynda tyńdaıdy. Reseıde kóbine sport jáne ádebıet taqyrybyndaǵy podkasttar tyńdalady.
Ókinishke oraı, qazirgi tańda Qazaqstanda podkast tyńdaýshylardyń kórsetkishi týraly aqparat joq.
«Qazkontent» AQ – 2009 jyly ulttyq kontentti qalyptastyrý jáne ınternet jelisiniń qazaqstandyq bóligin damytý maqsatynda qurylǵan. Qoǵamnyń negizgi mindeti – memlekettik ınternet-resýrstardy damytý arqyly qazaqstandyqtardyń aqparatqa degen suranysyn qanaǵattandyrý.
