«Qazkontent» AQ Basqarma tóraǵasynyń jańa orynbasary taǵaıyndaldy

ASTANA. QazAqparat - «Qazkontent» AQ Basqarma tóraǵasy Evgenıı Kochetov áriptesterine óziniń jańa orynbasary Danııar Áljanovty tanystyrdy.

Áljanov Danııar Beısenǵalıuly 1985 jyly 31 naýryzda Qaraǵandy qalasynda dúnıege kelgen. 2007 jyly E. Bóketov atyndaǵy Qaraǵandy memlekettik ýnıversıtetin «Tarıh, quqyq jáne ekonomıka negizderi» mamandyǵy boıynsha bitirgen, «Bolashaq» baǵdarlamasynyń stıpendıaty, 2016 jyly «Adam resýrstaryn basqarý jáne qyzmetkerlerdi oqytý» mamandyǵy boıynsha «magıstr» dárejesin alǵan (Lester Ýnıversıteti, Ulybrıtanııa).

Eńbek jolyn 2007 jyly Qaraǵandy qalasynyń bilim berý bóliminde bastaǵan. 2012 jyldyń qazanyna deıin Qaraǵandy oblysynyń Osakarov aýdanynyń, Shahtınsk jáne Qaraǵandy qalalarynyń ákimdikterinde túrli qyzmetterdi atqarǵan.

2016 jyldan bastap QR Aqparat jáne kommýnıkatsııalar mınıstrligi Aqparat komıteti basqarmasynyń basshysy bolyp qyzmet jasaǵan.

«Qazkontent» AQ 2009 jyly qurylyp, onyń negizinde bnews.kz, kaztube.kz, baq.kz. ınternet-jobalary ashyldy. Búgingi tańda «Qazkontent» 8 jelilik jobany júzege asyrýda, sonyń 4-i aqparattyq, qalǵan 4-eýi taqyryptyq jobalar: bnews.kz, baq.kz, primeminister.kz, strategy2050.kz ı kaztube.kz, adebiportal.kz, el.kz, National Digital History.