Qazkommertsbanktegi jymqyrý: 44,5 mlrd teńgeniń múlki tárkilendi
ALMATY. KAZINFORM - QMA Almaty qalasy boıynsha departamenti men qala prokýratýrasy aqsha urlaý faktisi boıynsha «Qazkommertsbank» AQ-na qatysty qylmystyq is sheńberinde paralleldi qarjylyq tergeý júrgizip, birqatar múlikti tárkiledi.
Sottyń sanktsııasymen kúdiktilerdiń jalpy somasy 44,5 mlrd teńge bolatyn 300 gektarǵa jýyq jer ýchaskesi men avtokólikterine arest qoıyldy.
Kelgen zalaldy óteý maqsatynda QR QPK 667, 668-baptarynyń tártibimen izdeý jarııalanǵan tulǵalardyń qylmystyq jolmen óndirilgen múlkin sotqa deıingi tárkileý kózdelgen.
Sot sheshimimen múlik Almaty qalasy ákimdiginiń balansyna qoıý arqyly memleket kirisine aınaldy.
Qazirgi ýaqytta atalǵan aktıvter memleket menshigine berildi, al tárkilenýge jatatyn ózge de múlikti izdeý jalǵasyp jatyr.
