«Qazkommertsbank» pen K.Raqyshev «Samuryq-Qazynadan» BTA banktiń úlesin satyp alady

ALMATY. QazAqparat - «Qazkommertsbank» AQ (QKB) men Keńes Raqyshevtyń árqaısysy «Samuryq-Qazyna» Ulttyq ál-aýqat qory» AQ-nan BTA banktiń 46,5 paıyzdyq birdeı úlesin satyp alý jónindegi kelissózder túbegeıli aıaqtaldy.

«Samuryq Qazyna» (SQ) BTA-da qalǵan 4,26 paıyzdyq úlesin QKB-ne senimdilikti basqarý kelisimsharty boıynsha beredi, bul QKB-ke 50 paıyz daýys pen BTA-ny operatsııalyq basqarýdy qamtamasyz etedi. «Samruq Qazyna» QKB kapıtalynyń aǵymdaǵy qatysýshysy bolyp qala beredi, al 2009 jyly QKB aktsıonerlerimen jasalǵan qor aktsııalarynyń paketine qatysty optsııalyq kelisimniń merzimi uzartylady.

QKB 46,5 paıyzdyq aktsııalardy satyp alý quny 72 075 mln teńgeni quraıdy. Bul shamamen 456 mln. AQSh dollary. Al BTA banktiń 100 paıyzdyq kapıtalynyń shamalanǵan quny 2013 jyldyń 30 qyrkúıektegi málimet boıynsha 1 mlrd. dollarǵa teń.

«Bul Qazkommertsbankpen kezeń-kezeńmen asyrylatyn kelisim. Satyp alýdan keıingi QKB men BTA bankteriniń biriktirilýi aımaqta eń iri ámbebap banktiń paıda bolýyna sep bolmaq. Bul úlken kólemdi ártaraptandyrylǵan ınstıtýttyń aktıvteri óziniń eń jaqyn básekelesterinen 1,5 esege deıin joǵary bolady. Biriktirý jáne QKB-niń problemaly nesıelerin sheshý tájirıbesi BTA aldyndaǵy túıtkilderdi sheshedi. Jalpy budan soń Qazaqstannyń bank sektory jandana bastaıdy, sáıkesinshe, halyqtyń bankterge degen senimi de artady degen úmittemiz», - deıdi QKB-niń basqarma tóraıymy Nına Júsipova.