Qazkommertsbank qyzmetkeri Vankýverde olımpıada alaýyn alyp júrý sharasyna qatysty
ALMATY. Aqpannyń 9-y. QazAqparat /Erbol Azanbek/- Vankýverde XXI qysqy olımpıada alaýyn alyp júrý rásimi aıaqtaldy. Bul sharaǵa Qazaqstannan «Qazkommertsbank» AQ-nyń banktik tólem kartalaryn satý bóliminiń bastyǵy Nellı Azaeva Qazaqstan ókili retinde qatysty,
dep habarlaıdy QazAqparat.
Nellı Azaeva bul sharaǵa elimizden qatysqan jalǵyz adam. Ol bul sharaǵa olımpıadanyń bas demeýshisi Visa tólem júıesiniń usynysymen qatysqan. Aıta keterligi, tólem júıesiniń kómegimen TMD elderinen 2-aq adam qysqy olımpıada alaýyn alyp júrý mártebesine ıe boldy.
Olımpıada alaýyn alyp júrý sharasy bıyl 12 myń kezeńnen turdy jáne 45 myń shaqyrymǵa sozylǵan. Bul qysqy olımpıada alaýy tarıhyndaǵy eń uzaq qashyqtyq. Olımpıada alaýy byltyrǵy jyldyń kúzinde Grekııanyń Olımp kesheninde tutanǵan bolatyn.
Nellı Azaevanyń aıtýynsha, ózi alyp júrgen salmaǵy 1,6 kılá olımpıadalyq alaý tuǵyryn Qazkommertsbanktiń murajaıyna tabystaǵan.
